Biełaruskuju banknotu ŭ honar 80-hodździa Pieramohi ŭžo za vialikija hrošy pierapradajuć na eBay
U sakaviku Nacbank anansavaŭ vypusk jubilejnaj banknoty, pryśviečanaj 80-hodździu Pieramohi. U jaje vielmi niezvyčajny naminał 80 rubloŭ, a nakład zusim nievialiki: 80 tysiač štuk. Na navinku adrazu ž uźnik ažyjataž, jaki ciapier pašyryŭsia i na internet-placoŭki, piša Blizko.by.
Dniami banknota pastupiła ŭ prodaž pa canie 120 rubloŭ. Na jaje adrazu ŭźnik ažyjatažny popyt: dziasiatki pakupnikoŭ stali kala adździaleńnia Nacbanka na vulicy Tałstoha, kab kupić sabie hetuju banknotu i/abo pamiatnyja maniety taksama ŭ honar 80-hodździa Pieramohi. Pry hetym jany sfarmavali śpis, u jakim da kanca dnia 7 maja fihuravali ŭžo pad 800 čałaviek.
Cikava, što ŭ toj ža dzień na aŭkcyjonie eBay kupiura źjaviłasia ŭ pieraprodažy ŭ pradaŭca, jaki paznačyŭ svoj adras jak horad Krahujevac u Sierbii. Mahčyma, na toj momant kupiury ŭ samoha pradaŭca jašče nie było i jon tolki raźličvaŭ atrymać jaje paźniej.
Adnak na fotazdymkach pradstaŭlenyja «žyvyja» vyjavy banknoty ŭ futlary — nie vyklučana, što kupiura na momant publikacyi abjavy ŭžo była ŭ pradaŭca na rukach. Pradaviec paznačany nikam worldcollectibles i pierapradaje roznyja kalekcyjnyja rečy.
Pa stanie na 9 maja była zroblena ŭsiaho adna staŭka, biahučaja cana składaje 160 dalaraŭ ZŠA. Heta roŭna ŭ 4 razy pieravyšaje adpusknuju canu ŭ adździaleńni Nacbanka (120 rubloŭ, abo 39,8 dalara pa aficyjnym kursie).
Taksama žurnalisty znajšli jak minimum 6 prapanoŭ banknoty na aŭkcyjonie Ay.by. ich pradajuć pa canie prykładna ad 150 rubloŭ z čakańniem najvyšejšaj staŭki. Adzin z pradaŭcoŭ hatovy sastupić banknotu nie čakajučy kanca tarhoŭ, pa fiksavanaj canie ŭ 225 rubloŭ.
Pobač z Nacbankam vystraiłasia vialikaja čarha. Chtości navat stajaŭ usiu noč
U Minsku prezientavali banknotu Br80 i pamiatnyja maniety da 80-hodździa Pieramohi
Na rasijskich hrašach prapanujuć raźmiaścić vyjavy biełaruskich haradoŭ
Na aŭkcyjonie pradajuć biełaruskuju banknotu, u jakoj u numary tolki nuli
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali30
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary