U bolšaści abłasnych haradoŭ 9 maja praviaduć «Bieśśmiarotny połk»
Pavodle płanaŭ, vykładzienych prarasijskimi aktyvistami, asobnyja šeści «Bieśśmiarotnaha pałka» źbirajucca pravieści prynamsi ŭ Breście, Viciebsku, Homieli i Hrodnie.
Prarasijskija aktyvisty apublikavali miescy zboru ŭdzielnikaŭ u Minsku i inšych abłasnych haradach Biełarusi. Usiudy na ich buduć biez abmiežavańniaŭ razdavacca hieorhijeŭskija stužki, jakija za apošniaje dziesiacihodździe stali hałoŭnym simvałam rasijskaha revanšyzmu i militaryzmu.
Adkryta pad banierami «Bieśśmiarotny połk» amatary Rasii buduć źbiracca ŭ Breście, Viciebsku i Hrodnie, u Homieli banier budzie nazyvacca «Pamiatajem podźvih savieckaha naroda-pieramožcy».
U Minsku Kaardynacyjnaja rada arhanizacyj rasijskich suajčyńnikaŭ zranku arhanizuje asobnaje ŭskładańnie kvietak, a viečaram źbirajecca dałučycca da hledačoŭ vajskovaha paradu.
Tolki ŭ Mahilovie prarasijskija aktyvisty, jak vyhladaje, nie płanujuć ničoha asobnaha, a tolki dałučacca da zvyčajnaj arhanizavanaj uładami kałony «Biełaruś pamiataje».
Pry hetym u apisańni svajoj akcyi jany tłumačać, što «Biełaruś pamiataje» i «Bieśśmiarotny połk», jak taksama hieorhijeŭskaja i čyrvona-zialonaja stužki — heta «adna ahulnaja Pieramoha i adna ahulnaja pamiać pra hierojaŭ Vialikaj Ajčynnaj vajny. Respublika Biełaruś i Rasijskaja Fiederacyja adzinyja ŭ svajoj acency 80-hodździa Pieramohi».
Tur nie budzie nasić hieorhijeŭskuju stužku, ale pryčyna nie taja, što vy padumali
Łukašenka znoŭ apraŭdvaŭsia za hieorhijeŭskija stužki: hetym razam pierad rasijskim pasłom
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY
U Homieli «Ruski dom» pad maŭčańnie ideołahaŭ masava razdaje hieorhijeŭskija stužki
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary
dalikatnieńka