U Litvie prapanavali stvaryć na miažy ź Biełaruśsiu liniju abarony i nazvać jaje ŭ honar Vitaŭta
Prapanujecca čatyry linii abarony — ad supraćpiachotnych min da supraćpavietranaj abarony.
Partyja apazicyjnaha «Sajuzu Ajčyny — Chryścijanskija demakraty Litvy» (SA-CHDŁ) prapanuje stvaryć abarončuju liniju imia Vitaŭta Vialikaha. Pavodle kansiervataraŭ, jana mahła b uklučać abarončuju infrastrukturu, abstalavanuju supraćpiachotnymi minami, supraćtankavymi rvami, mabilnymi braniatankavymi hrupami i dalnabojnaj artyleryjaj. Realizacyja takoha płanu abyjdziecca prykładna ŭ 1 miljard jeŭra, piša Delfi.lt.
«Naša vajskovaja inžynieryja adradziłasia, naša vajskovaja inžynieryja nabyła novaje dychańnie. Siońnia my prapanujem inšuju ideju, inšy kirunak, jak my mahli b umacavać miažu takim čynam, kab vorahu było nadzvyčaj składana praniknuć na našu terytoryju, kab jon sutyknuŭsia ź vielizarnymi pieraškodami, kab my zapavolili jaho prasoŭvańnie. Biez sumnievu, hety płan dapoŭniŭ by ŭsiu našu abarončuju stratehiju», — zajaviŭ staršynia partyi Łaŭrynas Kaščunas na pres-kanfierencyi, arhanizavanaj SA-CHDŁ u paniadziełak.
«Pavodle našych padlikaŭ, idzie havorka pra sumu kala 1 miljarda jeŭra, kali my ŭstalujem takuju sistemu tam, dzie jana patrebnaja. Ale, viadoma, heta patreba — u płanavańni armii», — padkreśliŭ jon.
Pavodle słoŭ Ł. Kaščunasa, praces uźviadzieńnia abarončaj linii zojmie da dvuch hadoŭ.
Prapanujecca čatyry linii abarony — ad supraćpiachotnych min da supraćpavietranaj abarony.
Pieršaja linija budzie ŭjaŭlać saboj zonu, što budzie kantralavacca pamiežnikami, z «zubami cmoka», supraćpiachotnymi i supraćtankavymi minami, kalučym drotam i supraćtankavymi rvami.
Treciaja linija abarony budzie składacca z mabilnych braniatankavych hrup, u skład jakich uvojduć litoŭskija bajavyja mašyny piachoty Vilkas («Voŭk») i husieničnyja braniravanyja mašyny sajuźnikaŭ.
«Naprykład, praciŭnik kancentrujecca ŭ peŭnym miescy, tam viadziecca artyleryjski ahoń i rychtujecca praryŭ. Hetyja mabilnyja hrupy, znachodziačysia na adlehłaści 30—40 kiłamietraŭ, mohuć chutka i efiektyŭna padyści da miesca, dzie vierahodny praryŭ praź miažu», — skazaŭ hienarał Vitaŭtas Sakałaŭskas.
Čaćviortaja linija budzie ŭklučać sistemy supraćpavietranaj abarony NASAMS i samachodnuju artyleryju vialikaj dalokaści.
U toj ža čas patrapić u druhuju možna budzie z dapamohaj prarytaha pad ziamloj tunelu. Akramia kalučaha drotu, heta linija taksama budzie ŭtrymlivać vybuchovyja pryłady i vajskovyja pazicyi.
Kamientary
U skład Haličyny ciapier uvachodziać terytoryi Lvoŭskaj, Ivana-Frankoŭskaj i Ciarnopalskaj (za vyniatkam jaje paŭnočnaj častki, što naležyć da Vałyni) abłaściej Ukrainy, a taksama niekatoryja paviety Padkarpackaha vajavodstva Polščy.