Vice-prezident ZŠA: U nastupnyja 100 dzion ZŠA pasprabujuć arhanizavać pieramovy Rasii i Ukrainy
Vice-prezident ZŠA Džej Dzi Vens zajaviŭ, što pamiž pazicyjami Rasii i Ukrainy pa vajnie «vielmi vialikaja prorva».
U intervju Fox News jon adznačyŭ, što pieršy krok da zakančeńnia vajny — heta vystup kožnaha z bakoŭ ź mirnaj prapanovaj. I heta ŭžo adbyłosia.
«I ciapier praca dypłamatyi zaklučajecca ŭ sprobie zblizić hetyja dva baki. Tamu što isnuje vielmi vialikaja prorva pamiž tym, čaho chočuć ruskija, i tym, čaho chočuć ukraincy».
Vans dadaŭ: «Šmat našych jeŭrapiejskich siabroŭ, jakija publična zajaŭlajuć: «Nu, my, mahčyma, nie zusim zhodny z prezidentam — z tym, što jon kazaŭ, što rabiŭ abo z usimi častkami jaho palityki», — u toj ža čas pryznajuć, što mienavita jon byŭ adzinym, chto sapraŭdy moh vymusić abodva baki vyłučyć mirnuju prapanovu. Bo raniej hetyja ludzi naohuł nie razmaŭlali — ni adzin z adnym, ni z kimści jašče. Jany prosta zmahalisia. I ŭsio».
Pa słovach Vensa, u nastupnyja 100 dzion Bieły dom budzie pracavać nad tym, kab arhanizavać pieramovy Rasii i Ukrainy.
Raniej ZŠA hrazilisia vyjści ź pieramovaŭ, kali baki najbližejšym časam nie damoviacca.
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie11
Kamientary