Vybary śpikierai Kaardynacyjnaj rady projduć 13 maja. Pra heta paviedamiŭ staršynia kamisii KR pa pytańniach statutu i arhanizacyjnych pytańniach Jaŭhien Karavułaŭ.
Jon raskazaŭ, što zhodna sa statutam vybary śpikiera KR prachodziać praz try miesiacy paśla taho, jak papiaredni śpikier pierastaŭ vykonvać svaje funkcyi, a źnikłaja Anžalika Mielnikava pierastała brać udzieł u pracy KR 12 lutaha.
Taksama Ja. Karavułaŭ zaznačyŭ, što vybary śpikiera mohuć nie adbycca, kali vice-śpikier piarojmie hetyja funkcyi. Ale, jak paviedamlałasia raniej, v.a, staršyni Stasia Hlińnik skazała, što nie budzie bałatavacca na pasadu staršyni. Tamu vybary projduć 13 maja.
Pra źniknieńnie śpikierki Kaardynacyjnaj rady Anžaliki Mielnikavaj jaje kalehi paviedamili ŭviečary 28 sakavika. U zajavie Paŭła Łatuški havaryłasia, što suviaź adsutničaje z 25 sakavika, adnak havorka idzie pra anłajn-kamunikacyju. Nasamreč Mielnikavu ŭžyvuju nie bačyli ŭžo daŭnym-daŭno. Paźniej stała viadoma, što Anžalika Mielnikava pakinuła terytoryju Jeŭrasajuza 26 lutaha, a jaje były muž źjechaŭ z Polščy ŭ Biełaruś 3 sakavika.
7 krasavika žurnalistam «Lusterka» ŭdałosia parazmaŭlać z byłym mužam Anžaliki Mielnikavaj, jaki paćvierdziŭ, što znachodzicca ŭ Biełarusi, a dzieci — pry im. Baćki Mielnikavaj u razmovie z žurnalistam «Jeŭraradyjo» taksama paćvierdzili, što dzieci znachodziacca ŭ Biełarusi, a pra miescaznachodžańnie samoj Anžaliki jany sami ničoha nie viedajuć i tryvožacca.
8 krasavika vice-śpikierka Kaardynacyjnaj rady Stanisłava Hlińnik, jakaja ciapier vykonvaje abaviazki śpikierki, paviedamiła, što 13 sakavika z akaŭnta Anžaliki Mielnikavaj byli spampavanyja fajły, da jakich jana mieła dostup u ramkach pracy Kaardynacyjnaj rady. Siarod ich — stratehičny płan, biudžet, unutranyja dakłady i inšyja apieracyjnyja materyjały pačynajučy ź lipienia 2024 hoda.
10 krasavika telekanału «Biełsat» stała viadoma, što z rachunka fondu Białoruś Liberty, zasnavanaha Anžalikaj Mielnikavaj, źniali hrošy. Zrabiła heta jana sama ci chto inšy, pakul nieviadoma.
14 krasavika stała viadoma, što rasśledavańnie źniknieńnia Anžaliki Mielnikavaj u Polščy pieraviali na bolš vysoki ŭzrovień — zamiest Varšaŭskaj akruhovaj prakuratury hetym budzie zajmacca Nacyjanalnaja prakuratura. Na dumku śledčych, spravu pavinny rasśledavać prakurory, jakija zajmajucca najbolš važnymi spravami, u tym liku pytańniami špijanažu.
«Vylecieła z Łondana ŭ treciuju krainu». Što viadoma pra źniknieńnie Mielnikavaj praź miesiac pošukaŭ
Anžaliku Mielnikavu polskija śledčyja razhladajuć jak paciarpiełuju
Anžalika Mielnikava chacieła vykupić biełaruski fond ź Biełastoka
«Jana pracavała i atrymlivała zarobak». NAU adkazaŭ nakont hrošaj Mielnikavaj
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy13
Kamientary