Rasśledavańnie źniknieńnia Anžaliki Mielnikavaj pieraviali na bolš vysoki ŭzrovień
Spravu rasśledavańnia tajamničaha źniknieńnia ŭ Varšavie śpikierki Kaardynacyjnaj rady Anžaliki Mielnikavaj pavinna ŭziać na siabie Nacyjanalnaja prakuratura Polščy, paviedamlaje RMF FM.
Dakumienty z papiarednimi vysnovami palicyi ab źniknieńni biełaruskaj aktyvistki na bolš vysoki ŭzrovień nakiravała Varšaŭskaja akruhovaja prakuratura.
Pytańnie ab tajamničym źniknieńni ŭ Varšavie Anžaliki Mielnikavaj pavinna ŭziać na siabie Nacyjanalnaja prakuratura, tamu što, na dumku śledčych, spravu pavinny rasśledavać prakurory, jakija zajmajucca najbolš važnymi spravami, u tym liku pytańniami špijanažu.
Na siońniašni dzień prakurorskaha rasśledavańnia pa spravie ab źniknieńni niama. Sabranyja materyjały palicyja raniej pieradała Varšaŭskaj akruhovaj prakuratury dla taho, kab pravieści tak zvanuju jurydyčna-kryminalnuju acenku dokazaŭ i vyrašyć, u jakim kirunku i chto pavinien vieści rasśledavańnie.
Pra źniknieńnie śpikierki Kaardynacyjnaj rady Anžaliki Mielnikavaj jaje kalehi paviedamili ŭviečary 28 sakavika. U zajavie Paŭła Łatuški havaryłasia, što suviaź adsutničaje z 25 sakavika, adnak havorka idzie pra anłajn-kamunikacyju. Nasamreč Mielnikavu ŭžyvuju nie bačyli ŭžo daŭnym-daŭno. Paźniej stała viadoma, što Anžalika Mielnikava pakinuła terytoryju Jeŭrasajuza 26 lutaha, a jaje były muž źjechaŭ z Polščy ŭ Biełaruś 3 sakavika.
7 krasavika žurnalistam «Lusterka» ŭdałosia parazmaŭlać z byłym mužam Anžaliki Mielnikavaj, jaki paćvierdziŭ, što znachodzicca ŭ Biełarusi, a dzieci — pry im. Baćki Mielnikavaj u razmovie z žurnalistam «Jeŭraradyjo» taksama paćvierdzili, što dzieci znachodziacca ŭ Biełarusi, a pra miescaznachodžańnie samoj Anžaliki jany sami ničoha nie viedajuć i tryvožacca.
8 krasavika vice-śpikierka Kaardynacyjnaj rady Stanisłava Hlińnik, jakaja ciapier vykonvaje abaviazki śpikierki, paviedamiła, što 13 sakavika z akaŭnta Anžaliki Mielnikavaj byli spampavanyja fajły, da jakich jana mieła dostup u ramkach pracy Kaardynacyjnaj rady. Siarod ich — stratehičny płan, biudžet, unutranyja dakłady i inšyja apieracyjnyja materyjały pačynajučy ź lipienia 2024 hoda.
10 krasavika telekanału «Biełsat» stała viadoma, što z rachunka fondu Białoruś Liberty, zasnavanaha Anžalikaj Mielnikavaj, źniali hrošy. Zrabiła heta jana sama ci chto inšy, pakul nieviadoma.
Hubarevič zaniaŭ adnu z pasad Mielnikavaj u KR, ale śpikieram nie staŭ. Piatruchin aburany biezalternatyŭnym hałasavańniem
Łukašenka prakamientavaŭ źniknieńnie Anžaliki Mielnikavaj
«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?
U fondu, kudy prychodzili hrošy dla Kaardynacyjnaj rady, źjaviŭsia novy kiraŭnik zamiest źnikłaj Mielnikavaj
Ci pahražaje ŭzłom akaŭnta Mielnikavaj tym, chto hałasavaŭ na vybarach u Kaardynacyjnuju radu? Adkazvaje Libier
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary
Taksama viedała ludziej, jakija finansava padtrymlivajuć kibierpartyzan, i ŭvohule stratehiju supracoŭnictva apazicyi z ZŠA i Jeŭraźviazam.
U biełaruskich ŚMI pra heta, zdajecca, nie było.