Dvoje sutak na aŭto, 7—12 hadzin na aŭtobusie. Što adbyvajecca z vyjezdam ź Biełarusi ŭ Polšču?
Pa stanie na 12:00 24 krasavika na vyjezd ź Biełarusi ŭ Polšču zarehistravana 1450 lehkavych aŭtamabilaŭ. Čas prachodžańnia miažy na mašynie ciapier składaje bolš za dvoje sutak, piša Most.
Kali raniej adnosna chutka možna było prajechać miažu na aŭtobusie, to ciapier i jany stajać u čarzie.
U pamiežnych čatach karystalniki paviedamlajuć, što prachodžańnie miažy na mašynie moža zaniać da 55—58 hadzin.
Viktoryja zarehistravałasia ŭ zonie čakańnia na biełaruskim baku 21 krasavika ŭ 23:32, a vyjechała z punkta propusku «Tarespal» 24 krasavika ŭ 06:40 — usiaho prykładna 55 hadzin.
Dźmitryj byŭ 911-m u čarzie i čakaŭ amal 58 hadzin, ź jakich 51 hadzina prypała na biełaruski bok.
Elektronnaja čarha dziejničaje na biełaruskim baku: paśla rehistracyi možna źjechać i čakać vykliku ŭ zonu čakańnia ŭ horadzie.
Niepasredna na miažy, paśla zajezdu ŭ zonu propusku, prachodžańnie zajmaje mienš času:
«Ad zajezdu da vyjezdu ź Biełarusi ŭ Polšču — 4 hadziny. Dvoje sutak čakańnia nie ličym. U palakaŭ usio vielmi chutka — 10 chvilin na ŭsio», — piša Alaksiej.
Aŭtobusy
Da dnia 23 krasavika aŭtobusy prapuskali ŭ pryjarytetnym paradku, ale ciapier utvarajucca čerhi.
Pa stanie na 12:00 — u čarzie 22 aŭtobusy. Čas prachodžańnia miažy ciapier składaje ad 7 da 12 hadzin.
«Sieła ŭ aŭtobus u Breście ŭ 9:40, na biełaruskaj miažy było kala 15 aŭtobusaŭ, a pierad polskaj — tolki dva. U Ciarespali była ŭ 16:10 pa polskim časie. Usiaho 7,5 hadziny», — kaža Anastasija.
Padobna, što pierasadki ŭ «pieradavyja» aŭtobusy zastajucca papularnaj praktykaj dla paskareńnia pierasiačeńnia miažy.
U zvarotnym kirunku (z Polščy ŭ Biełaruś) čerhaŭ praktyčna niama. Vadzicieli, jakija jechali nočču z 23 na 24 krasavika, paviedamlajuć, što prachodzili miažu za 3—4 hadziny.
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk15
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary