Studyja ź minskimi karaniami vypuściła videahulniu pra Halivud. U jaje možna hulać pa-biełarusku
Studyja Weappy pradstaviła hulniu pad nazvaj Hollywood Animal. Heta historyja pra čas, kali hukavoje kino zavajoŭvała śviet — hiejmieram prapanujuć stać častkaj hetaha pracesu.
Hałoŭny hieroj — kiraŭnik kinastudyi. Hulcam dajuć šans zdymać filmy i raźvivać samu studyju: budavać paviljony, zmahacca z cenzuraj i ŭładami, vyžyvać u časy kryzisaŭ. Što datyčyć filmaŭ, možna budzie pahruzicca ŭ roznyja etapy ich stvareńnia — ad padboru siužetaŭ da raspaŭsiudu hatovaj stužki ŭ kinateatrach.
Hulnia dastupnaja ŭ tym liku na biełaruskaj movie. Akramia taho, kali vy padbirajecie łahatyp studyi, adzin z varyjantaŭ — zubr. I heta niezdarma, bo studyja Weappy, jakaja stvaryła Hollywood Animal, była zasnavanaja ŭ 2015 hodzie ŭ Minsku.
Pakul što hulnia znachodzicca na stadyi rańniaha dostupu, ale vodhuki pra jaje ŭžo niebłahija. Vydańnie Game Luster piša, što ŭ Hollywood Animal zrobleny dobry interfiejs, a dyzajn budynkaŭ adpaviadaje času, u jakim adbyvajecca dziejańnie. Postary filmaŭ vyhladajuć trochi adnastajnymi, ale heta niaznačnaja prablema.
Na hiejmierskim servisie Steam hulnia maje 1886 vodhukaŭ, 70% ź ich stanoŭčyja. A voś niekalki vodhukaŭ z admysłovaj staronki ŭ Reddit, pryśviečanaj hulni:
«Raspracoŭščyki zrabili dobruju pracu (pakul što)».
«Usio jašče jość šmat rečaŭ, jakija možna ŭkaraniać i palapšać».
«Ja ŭžo vydatkavaŭ na hulniu šmat hadzin, ale tam usio jašče tak šmat rečaŭ, jakija možna daśledavać i ź jakimi možna ekśpierymientavać».
«Heta prosta post padziaki raspracoŭščykam. Možna bačyć, kolki zapału i ŭvahi da detalaŭ jany ŭkłali ŭ hulniu i scenar».
«Naša Niva» — bastyjon biełaruščyny
PADTRYMAĆCiapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary