Śviet88

ZŠA prapanujuć Ukrainie mirny płan, jaki dazvolić Pucinu zachavać zachoplenyja terytoryi. Stali viadomyja amierykanskija prapanovy

Novy prajekt mirnaj damovy, prapanavany pradstaŭnikami Donalda Trampa, praduhledžvaje pryznańnie Kryma častkaj Rasii i zamacavańnie linii frontu, što dazvolić Pucinu zachavać amal usie zachoplenyja terytoryi. Ukraina ž, pavodle ŭmoŭ, nie atrymaje amal nijakich vyraznych harantyj biaśpieki ad ZŠA.

Prezident Ukrainy Uładzimir Zialenski i śpiecyjalny pasłańnik prezidenta ZŠA Donalda Trampa hienierał Kit Kiełah sustrakajucca ŭ Kijevie, 20 lutaha 2025 h. Fota: Maxym Marusenko / NurPhoto via Getty Images

Pavodle płana, pra jaki pišuć adrazu niekalki zachodnich ŚMI, u tym liku The Telegraph, i jaki budzie abmiarkoŭvacca ŭ Łondanie ŭ sieradu, ZŠA prapanujuć mirnaje pahadnieńnie, jakoje praduhledžvaje pryznańnie Kryma rasijskaj terytoryjaj, a taksama faktyčnuju lehitymacyju kantrolu Rasii nad inšymi akupavanymi terytoryjami, uklučajučy častki Danieckaj, Łuhanskaj, Chiersonskaj i Zaparožskaj abłaściej.

Asnoŭnyja punkty płana

Ukraina pavinna admovicca ad imknieńnia da ŭstupleńnia ŭ NATO, ale zachoŭvaje prava dałučycca da Jeŭrasajuza.

Pryznańnie ZŠA Kryma jak terytoryi Rasii.

Zamacavańnie ciapierašniaj linii frontu, što dazvolić Rasii zachavać bolšuju častku zachoplenych terytoryj.

Rasija addaść dva nievialikija rehijony va Ukrainie, a taksama zabiaśpiečyć dostup da vuścia Dniapra i častkova vyviedzie vojski z Chiersonskaj vobłaści.

Zaparožskaja AES pierachodzić pad kantrol ZŠA, adbyvajecca enierhietyčnaje supracoŭnictva ZŠA z RF, a amierykanskija kampanii atrymlivajuć dostup da karysnych vykapniaŭ Ukrainy.

ZŠA zdymuć usie sankcyi suprać Rasii i pačnuć novy etap supracoŭnictva ŭ śfiery enierhietyki.

Płan padrychtavany hienierałam Kitam Kiełaham i jaho kaleham Styvam Uitkafam, jaki płanuje prezientavać jaho Pucinu paśla reakcyi Kijeva. Adnak ukrainskija ŭłady skieptyčna nastrojeny i nie čakajuć zaklučeńnia damovy ŭ Łondanie. Ukazvajecca, što navat i Uładzimir Pucin moža nie pahadzicca na častkovuju zdaču terytoryj.

Akramia taho, pavodle kanstytucyi Ukrainy, pieradača terytoryi mahčymaja tolki praz refierendum, ale va ŭmovach vajennaha stanovišča takija refierendumy zabaronieny.

Brytanski premjer Kir Starmier raniej zajaŭlaŭ, što nivodzin jeŭrapiejski kantynhient nie moža być nakiravany va Ukrainu biez harantyj biaśpieki z boku ZŠA, ale prapanavany płan nie ŭtrymlivaje takoj harantyi.

U toj ža čas vydańnie Axios piša, što Ukraina hatovaja abmierkavać siońnia 30-dzionnaje spynieńnie ahniu, ale nie prymaje mirny płan Trampa. ​

Kamientary8

  • Tramp adčajna pytajecca chutka vyzvalić ruki
    23.04.2025
    cikava dla čaho.
    Mo iran sabraŭsia bambić
    A mo kitajcaŭ ad Tajvania adpužvać.
  • Trampynia
    23.04.2025
    Ok, Mr. Trump - your plan sound so absurd, that it is clear that you don't want anyone to agree upon it.
  • voschititielno
    23.04.2025
    Voschititilno-łapidarno, no očień hiešieftno,dla karmanov sieḿji trampa i jeho približiennych....

Ciapier čytajuć

Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15

Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie

Usie naviny →
Usie naviny

Papularnaja aktrysa vypuściła myła z vadoj z ułasnaj vanny1

Kot zdolny adroźnivać svajho haspadara ad nieznajomca pa pachu3

U adnoj ź viežaŭ «Bramy Minska» zdajecca dvuchuzroŭnievaja kvatera z šykoŭnaj terasaj3

U Łuninieckim rajonie pastaviać pomnik kłubnicam: jość dva varyjanty12

Piać hadoŭ tamu aryštavali Mikołu Statkieviča6

U Maładziečnie zrabili piešachodnuju asfaltavanuju darožku, ale nie daciahnuli niekalki mietraŭ da prypynku3

Raźvitańnie z eraj hierojaŭ. Čym paraduje «Misija nievykanalnaja: finalnaja raspłata»6

Kolki času zajmaje vydača pašparta novaj Biełarusi? Były kalinoviec raskazaŭ, jak atrymlivaŭ dakumient34

Pradstaŭnik Rasii ŭ AAN: Rasija nie spynić ahoń, pakul Zachad padtrymlivaje Kijeŭ6

bolš čytanych navin
bolš łajkanych navin

Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15

Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie

Hałoŭnaje
Usie naviny →

Zaŭvaha:

 

 

 

 

Zakryć Paviedamić