Na cokalnym paviersie čyhunačnaha vakzała ŭ Minsku pastavili pieršuju ŭ Biełarusi aŭtamatyzavanuju apteku, paviedamlaje pres-słužba Ministerstva achovy zdaroŭja.
Aŭtamatyzavanaja apteka — heta zakryty kub, unutry jakoha znachodziacca stełažy ź lekavymi srodkami. Pakupniku dastatkova ŭvieści nazvu preparata na sensarnym ekranie, prykłaści pašpart i apłacić. Skanavańnie pašparta nieabchodnaje dla paćviardžeńnia, što pakupniku spoŭniłasia 14 hadoŭ. Paśla taho robat vybiraje patrebny preparat i pieradaje jaho ŭ akienca vydačy.
U asartymiencie robata-apteki buduć kala 300 biezrecepturnych lekaŭ ajčynnaj vytvorčaści, dla zachoŭvańnia jakich padtrymlivajecca aptymalnaja tempieratura. Adznačajecca, što ŭ pierśpiektyvie aptečnyja robaty zmohuć vydavać preparaty pa elektronnych receptach.
Aŭtamatyzavanaja apteka stvoranaja homielskim pradpryjemstvam Eday Robotics, jakoje śpiecyjalizujecca na kompleksnaj aŭtamatyzacyi roznych vytvorčaściaŭ.
Jak buduć pracavać balnicy i palikliniki na krasavickija i majskija śviaty
Zabłakavali fejkavyja sajty, jakija maskiravalisia pad sietku aptek «Dobryja leki»
Pinčuk samastojna zapaŭniaŭ recepturnyja błanki i kuplaŭ preparaty
U Biełarusi źjaviŭsia servis dastaŭki lekaŭ. Pakul jon pracuje ŭ testavym režymie
U Biełarusi zapuścili teściravańnie servisu anłajn-zakazu lekaŭ i BADaŭ
Dziaržaŭnaja sietka aptek «Farmacyja» prapanoŭvaje ŭsim, kamu bolš za 30 hadoŭ, vykinuć Apple Watch
Kamientary
I nie treba zavozić pakistancaŭ.
Prosta staŭcie robataŭ zamiest prybiralščykaŭ, kasiraŭ, aficyjantaŭ, apierataraŭ abmienu valut i hetak dalej.
I skaračajcie "lišnija rty": milicyjantaŭ, jakija chodziać pa chatach "tuniejadcaŭ", i sami tuniejadskija kamisii, u kožnaj pa 20 roznych čynoŭnikaŭ i "siłavikoŭ".
21 stahodździe na dvary. Niachaj pracujuć robaty.