Čynoŭniki zabaranili pravodzić sałodkija stały na vypusknych u dziciačych sadach. A fatohrafa paklikać možna?
Vypusknyja dla dziciačych sadoŭ uvajšli ŭ modu. Ale nie ŭsio možna arhanizavać prosta ŭ sadzie.
Vypusknyja ŭ dziciačych sadkach uvachodziać u modu. Baćki chočuć uładkavać śviata dla dziaciej, jakim chutka treba budzie sadzicca za školnyja party. Na vypusknyja zaprašajuć fatohrafaŭ, videaapierataraŭ, animataraŭ, ładziać i sałodkija stały. Ale akazvajecca, što častavańnie ŭ dziciačym sadzie moža być prablemaj.
U kamitecie pa adukacyi Minharvykankama zajavili, što sałodkija stały ŭ dziciačych sadach ładzić nielha. Pryčyny ŭ viedamstvie nie patłumačyli, piša «AiF».
Mahčyma, zabarona źviazanaja ŭ tym liku z kłopatam ab zdaroŭi dziaciej. Raniej takuju zabaronu tłumačyli i baraćboj z karupcyjaj. Darečy, baćkam nichto nie zabaraniaje arhanizavacca i ŭładkavać vypuskny ŭ kaviarni ci hulniavym pakoi.
A voś zakazać fatohrafa ci apieratara ŭ dziciačy sad možna. Praŭda, daviadziecca zapoŭnić šmat papier. U pieršuju čarhu, uličvajučy patrabavańni da achovy piersanalnych danych, pavinny być atrymanyja piśmovyja zhody na ŭdzieł dziaciej u zdymkach ad usich zakonnych pradstaŭnikoŭ vychavancaŭ.
Akramia taho, daviadziecca atrymać prava časovaha karystańnia majomaściu dziciačaha sadu. Z hetaj metaj afarmlajecca pakiet dakumientaŭ, jaki ŭklučaje ŭ tym liku damovu pahadzinnaj arendy. Usio heta treba zrabić zahadzia.
-
U Polščy pačaŭsia sud nad bandaj padpalščykaŭ i handlaroŭ zbrojaj, jakich najmali rasijskija śpiecsłužby. Siarod abvinavačanych troje biełarusaŭ
-
U AAN zarehistravali skarhu byłoj palitźniavolenaj Łarysy Ščyrakovaj na prymusovuju departacyju ź Biełarusi
-
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary