Nikas Safronaŭ padaryŭ Darji Domračavaj jaje partret. Raniej na zamovu Pucina jon namalavaŭ Trampa
Samaja zornaja biełaruskaja bijatłanistka Darja Domračava davoli redka źjaŭlajecca ŭ instahramie. Siońnia jana zrabiła vyklučeńnie, kab padziakavać rasijskamu mastaku Nikasu Safronavu za svoj partret.
U centry kampazicyi — sama Darja Domračava. Ź miakkaj paŭuśmieškaj jana ŭpeŭniena hladzić napierad. Tvar bijatłanistki byccam padśviečany. Fon karciny šmatsłojny i nasyčany sensami. Heta nibyta chronika jaje bijatłonnaj karjery: honka na trasie, momant stralby, pierasiačeńnie finišnaj linii i podyum Alimpijady. Usio heta vykanana ŭ pryhłušanych, amal manachromnych tanach, jakija kantrastujuć ź jarkaściu hałoŭnaj vyjavy.
Darja z honaram demanstruje karcinu padpisčykam u instahramie. Jana pieradaje pryvitańnie mastaku — kaža, što tolki ciapier atrymała jaho pracu.
«Chaču padziakavać vam za cikavuju ideju, za cudoŭnaje vykanańnie. Abaviazkova znajdu dla jaje hodnaje miesca. I ŭ svaju čarhu chaču pažadać vam dalejšych tvorčych pośpiechaŭ, natchnieńnia, i niachaj novaje nadychodziačaje sakavitaje leta natchnić vas na takija ž jarkija i sakavityja raboty».
Nikas Safronaŭ — adzin z samych darahich i razrekłamavanych sučasnych rasijskich mastakoŭ. Svoj aŭtarski styl jon nazyvaje Dream Vision. Safronaŭ namalavaŭ šmat partretaŭ palitykaŭ, u tym liku i Uładzimira Pucina.
Niadaŭna jon zrabiŭ i partret Donalda Trampa, jaki Pucin pieradaŭ u padarunak amierykanskamu prezidentu. Sam Safronaŭ padtrymlivaje palityku rasijskich uładaŭ. Mastak, naprykład, prapanoŭvaŭ svoj varyjant pakarańnia dla zorak, jakija źjechali z Rasii, bo byli suprać vajny. Tych ź ich, chto zachoča viarnucca na radzimu, Safronaŭ prapanoŭvaŭ adpraŭlać u manastyr «zamolvać hrachi».
Zamović patret u Nikasa Safronava mohuć tolki zamožnyja ludzi, bo cana jaho karcin paraŭnalnaja z canoj na kvatery ŭ Minsku. Mastak biare za svaju pracu ad 40 da 100 tysiač dalaraŭ.
Ministr sportu ličyć mižsabojčyk biełaruskich i rasijskich bijatłanistaŭ u Raŭbičach alternatyŭnym čempijanatam śvietu. I voś čamu
Na trasie ŭ Raŭbičach zaŭvažyli muža Darji Domračavaj VIDEA
Darju Domračavu z mužam zaŭvažyli na śvieckaj tusoŭcy ŭ Minsku FOTY
Domračava i Skardzina dałučylisia da čelendžu, kab sabrać hrošy na reabilitacyju dački Arzamasavaj
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie29
Kamientary