«Praciŭnik imituje režym cišyni, ale šturmy praciahvajucca». Ukraincy raskazali pra stan na froncie na Vialikdzień
Dakład hałoŭnakamandujučaha Ukrainy Alaskandra Syrskaha pa situacyi na froncie pa stanie na 6:00 20 krasavika apublikavaŭ kanał prezidenta Ukrainy.
Pavodle paviedamleńnia, stanam na 6 hadzin ranicy rasijskija vojski ździejśnili ŭžo 59 abstrełaŭ i piać sprobaŭ praryvu na roznych učastkach frontu.
Na napramkach, za jakija adkazvajuć asobnyja apieratyŭna-taktyčnyja hrupoŭki (ATH), zafiksavana:
— u siektary «Starabilsk» — adno bajavoje sutyknieńnie,
— u siektary «Danieck» — try sutyknieńni na Pokroŭskim i Navapaŭłaŭskim napramkach,
— na Zaparožžy — jašče adno, u rajonie Stepavoha.
Rasijanie aktyŭna vykarystoŭvajuć FPV-drony. Na Kurščynie byli artyleryjskija abstreły.
«Našy voiny paŭsiul adkazvajuć tak, jak vorah hetaha zasłuhoŭvaje ŭ kankretnych bajavych abstavinach. Ukraina budzie dziejničać i dalej lustrana», — havorycca ŭ paviedamleńni.
Jak piša ŭkrainskaje kamandavańnie, na ranicu Vialikadnia «stvarajecca ŭražańnie», što Rasija imkniecca demanstravać pieramirje. Ale łakalnyja ataki śviedčać pra inšaje — jany praciahvajuć šturmavać.
Ukrainski bok vystupaje za poŭnuju cišyniu i prapanavaŭ praciahnuć pieramirje jašče na 30 dzion — paśla poŭnačy. Adnak realnyja dziejańni rasijan buduć vyznačać i ŭkrainski adkaz, adznačajecca ŭ paviedamleńni.
-
U 14 nasielenych punktach Danieckaj vobłaści abviaścili abaviazkovuju evakuacyju siemjaŭ ź dziećmi
-
Ukraina maje piać klučavych patrabavańniaŭ u ramkach urehulavańnia vajny
-
«My płanavali da 9 maja heta zrabić, ale kiroŭcy pajšli na Vialikdzień u zapoj». Kiraŭnik SBU raskazaŭ padrabiaznaści pra apieracyju «Pavucińnie»
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia3
Kamientary