22-hadovy viciabčuk, jakoha asudzili za hrafici pra 3%, zahinuŭ u aŭtakatastrofie pad Pieciarburham
Pryčynaj śmierci fihuranta palityčnaj kryminalnaj spravy Raścisłava Čachoviča stała nie ankałohija, na jakuju jon chvareŭ.
«Našaj Nivie» stała viadoma pra śmierć 22-hadovaha viciebčuka Raścisłava Čachoviča, fihuranta kryminalnaj spravy ab hrafici «Sychodź, tarakan, 3%».
Ciapier stali viadomyja abstaviny trahiedyi. Pa źviestkach Digital Intelligence Team, Čachovič zahinuŭ pad Pieciarburham 7 žniŭnia 2024 hoda.
U hety dzień u Hatčynskim rajonie Leninhradskaj vobłaści Rasii Volkswagen Golf na biełaruskich numarach vylecieŭ na sustrečnuju pałasu i sutyknuŭsia z drevam. Mašynu razarvała napałam. 22-hadovy Raścisłaŭ i dvoje jaho siabroŭ, 21-hadovy i 26-hadovy, zahinuli. Usie jany byli hramadzianami Biełarusi.
U Raścisłava Čachoviča była ankałohija i treciaja hrupa invalidnaści. Mahčyma, heta stała pryčynaj taho, što jon atrymaŭ za namalavanaje hrafici minimalnaje pakarańnie — štraf.
«Naša Niva» — bastyjon biełaruščyny
PADTRYMAĆ
Kamientary