U vydaviectvaje «Pflaŭmbaŭm» vyjšła novaja kniha — miemuary Beły Šahał «Zapalenyja śviečki» ź ilustracyjami Marka Šahała. Ź idyšu knihu pierakłaŭ Ihar Krebs, piša Bellit.info.
«424 staronki! Prailustravaŭ vydańnie Mark Šahał. Ź vialikimi pryhodami, ale my damahlisia pakupki licenzii na hetyja hrafičnyja ilustracyi, kab vy mahli nasałodzicca pryhožym vydańniem», — dzielacca navinoj u vydaviectvie.
Uspaminy Beły Šahał (u dziavoctvie Rozenfeld) składajucca ź dźviuch častak — «Zapalenyja śviečki» (1945) i «Pieršaja sustreča» (1947). Abiedźvie byli napisanyja na idyšy i vyjšli tolki paśla śmierci aŭtarki.
Kniha emacyjna i vobrazna raskazvaje pra dziacinstva Beły, jaje znajomstva z Markam Šahałam i adkryvaje čytaču žyćcio Viciebska kanca XIX — pačatku XX stahodździa, horada z bahataj habrejskaj kulturaj.
Vydańnie nieŭzabavie pastupić u prodaž ŭ kniharniu Knihauka.com i inšyja kniharni dy sajty, dzie zazvyčaj pradajucca knihi vydaviectva.
Kamientary