U ZŠA vychodzić dvuchmoŭnaja anhielska-rasiejskaja kniha vybranych vieršaŭ paeta i vydaŭca Dźmitryja Strocava z nazvaj «Vojna i mir / War and Peace», piša bellit.info.
«Ja ščaślivy aŭtar, ja maju knihi na dziesiaci jeŭrapiejskich movach. A voś na anhielskaj da hetaha času nie było. I reč nie ŭ adsutnaści pierakładaŭ na anhielskuju — ich daŭno sabrałasia na toŭstuju knihu. Reč u tym, što vieršy pierakładalisia na praciahu dvaccaci hadoŭ z nahody, z natchnieńnia, nie dla knihi, vielmi roznymi pierakładčykami. Pierakłady dobryja, važnyja, pierakładčyki — prafiesijnyja, vyklučnyja, ale było niezrazumieła, jak usie hetyja roznahałosyja teksty sabrać pad adnoj vokładkaj», — tłumačyću fejsbuku sam aŭtar.
Ale pieratvaryć raznastajnyja pierakłady ŭ knihu ŭziaŭsia hałoŭny pierakładčyk Dźmitryja Strocava na anhielskuju Jan Prabštejn, jaki pachodzić ź Minska, ale daŭno žyvie ŭ Ńju-Jorku. Praca pa źbirańni tekstaŭ išła bolš za hod. Taksama ŭ knizie čytačy znojduć pierakłady Marty Kieli, Valžyny Mort, Taćciany Bonč-Asmałoŭskaj i mnohija inšyja, ahułam 22 pierakładčyki z usiaho śvietu. Časam aryhinału adpaviadajuć i dva, i čatyry pierakłady.
U knihu vybranaha ŭvajšli teksty z 1992 pa 2023 hady. Vydać knihu navažyŭsia ńju-jorkski vydaviec Illa Biernštejn i ŭziaŭ u pracu. Dla vokładki była abranaja praca mienskaha fatohrafa Jaŭhiena Acieckaha.
-
70‑hadovy piensijanier vydaŭ svoj pieršy raman sam. «Tea z Hołdena» staŭ biestseleram
-
«Dom, u jakim…» Maryjam Pietrasian — raskazvajem pra kultavuju dla pakaleńnia 2010‑ch knihu-biestsieler, jakuju pierakłali na biełaruskuju movu
-
Abvieščany doŭhi śpis naminantaŭ na premiju imia Ježy Hiedrojcia za najlepšuju biełaruskuju knihu 2025 hoda
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary