Pieralik tavaraŭ, na jakija rehulujuć ceny, skaracili na 120 pazicyj. Paśla apošnich źmianieńniaŭ pastanovy №713 u im zastałosia 211 punktaŭ. Office Life skłaŭ śpis samych papularnych tavaraŭ, ceny na jakija ciapier buduć svabodnymi.
Pradukty
Bolš za ŭsio ź pieraliku tavaraŭ, na jakija rehulujuć ceny, vykraślena praduktaŭ. Tak, ź jaho vyklučyli miasnyja katlety, a taksama piražki, čabureki, bliny i vareniki z tvarahom. Siarod takich tavaraŭ taksama viarški z karovinaha małaka i płaŭlenyja syry.
Nie buduć rehulavać ceny i na niekatoryja słodyčy naprykład, na chałvu, tarty, pirožnyja, kakosavy parašok, a taksama na suchary i suški.
Što tyčycca harodniny, vykraśleny bakłažany, krop, piatruška, sałata. A pa sadavinie — kivi, piersiki, niektaryny, suchafrukty.
Elektratavary
Ceny na elektryčnyja lampy i lustry, pasudamyjnyja mašyny, trymiery i elektrabrytvy, elektryčnyja razietki i padaŭžalniki bolš nie padlahajuć rehulavańniu. Pad svabodnyja ceny taksama trapili matacykły i skutary.
Mebla
Ź pieraliku rehulavanych tavaraŭ źnikli abiedziennyja, piśmovyja i kampjutarnyja stały, kresły i taburetki. Svabodna farmirujucca ceny i na nabory miakkaj mebli, harnitury dla piaredniaha pakoja, meblu dla vannaj pakoja i spalni. Akramia taho, adpuścili i ceny na ŭsie vidy dyvanovych pakryćciaŭ.
Tekstylnyja vyraby
Rehulavańnie cen źniata z koŭdraŭ, pakryvałaŭ, abrusaŭ, štor, firanak i žaluzi. U vyniku možna čakać padaražańnia na tekstyl dla doma. U hałantarei prybrali abmiežavańni sa skuranych palčatak, sumak, ramianioŭ, mužčynskich halštukaŭ i parasonaŭ.
Inšaja kulturna-pobytavaja pradukcyja
Ceny na ličbavyja fotakamiery, muzyčnyja instrumienty, smartfony, płanšety, kampjutary i naŭtbuki ciapier taksama nie rehulujucca.
Nahadajem, što 2 krasavika ŭrad padpisaŭ čarhovuju viersiju pastanovy № 713 (6), a 3 krasavika dakumient byŭ aficyjna apublikavany na Nacyjanalnym pravavym partale. Asnoŭnyja normy novaj pastanovy ŭstupajuć u siłu praź miesiac, a niekatoryja — z 15 krasavika.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary