Udzielniki koł-centra, jakich padazrajuć bolš čym u 100 machlarstvach na terytoryi Biełarusi i Rasii, zatrymany ŭ Minsku, paviedamiŭ ministr unutranych spraŭ Ivan Kubrakoŭ.
«Pa linii supraćdziejańnia kibierzłačynstvam učora litaralna byli zatrymany členy adnoj sa złačynnych hrup — heta koł-centr, jaki byŭ vyjaŭleny na terytoryi Minska. Zatrymany 37 čałaviek, jakija ŭčyniali machlarstvy», — pieradaje słovy Kubrakova «Sputnik».
Kanfiskavanyja značnyja sumy hrošaj, darahija aŭtamabili, paviedamiŭ Kubrakoŭ.
Zatrymanych padazrajuć va ŭčynieńni bolš za 100 złačynstvaŭ u Rasii i Biełarusi.
Učora pres-słužba MUS paviedamiła pra aryšt 43-hadovaha minčuka — «złodzieja ŭ zakonie» Paŭła Aleksiajeviča (mianuška Paštet), jaki razam z 43-hadovym saŭdzielnikam dapamahali machlarskim koł-centram vyvodzić skradzienyja ŭ biełarusaŭ hrošy. Ci źviazanyja hetyja historyi, nie paviedamlajecca.
Dźmitryj Łukašenka choča pastavić pad kantrol usie mabilnyja telefony11
Kamientary