U Minsku źjaviacca «marudnyja zony» dla samakataŭ. Dzie mienavita?
Štučny intelekt dapamoža rehulavać vykanańnie Praviłaŭ darožnaha ruchu ŭ stalicy. Pra heta raspavioŭ dyrektar adnoj z kikšerynhavych kampanij Alaksandr Kalada, paviedamlajuć «Minsk-Naviny».
Akramia taho, štučny intelekt budzie kantralavać chutkaść srodkaŭ piersanalnaj mabilnaści (SPM) u tak zvanych «pavolnych zonach». U Minsku ŭžo nielha razahnacca na arandavanym samakacie bolš čym da 25 km/h — ale heta jašče nie ŭsio.
Ciapier źjaviłasia paniaćcie «marudnych zon» — heta piešachodnyja vulicy i miescy vialikaha skapleńnia ludziej. Tut chutkaść SPM abmiažoŭvajecca 10—15 km/h, pryčym abmiežavańnie ŭvodzicca samimi pryładami. Jany mohuć nie tolki zapavolvacca, ale i poŭnaściu spyniacca.
U «pavolnyja zony» stalicy traplaje centralnaja častka horada i pieršaje transpartnaje kalco pa vulicach Mielnikajcie, Suchoj, Kalektarnaj, Śviardłova, Uljanaŭskaj, Bahdanoviča, Kazłova, Staražoŭskaj i praśpiekcie Niezaležnaści. U śpisie taksama rajon Kamaroŭskaha rynku, parki Pieramohi, imia Hrekavaj, Čaluskincaŭ, terytoryi kala bujnych handlovych centraŭ i šerah inšych placovak.
Akramia taho, ciapier karystalnik moža vybrać adzin z troch chutkasnych režymaŭ: «eka» (nie bolš za 15 km/h), «drajv» (da 20 km/h), «sport» (maksimum 25 km/h), — patłumačyŭ ekśpiert.
Taksama dziejničaje prahrama «Antytandem» — jana aŭtamatyčna analizuje i vyjaŭlaje parušeńni pry karystańni samakatami.
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary