Udzielnicam «Mis Biełaruś» dazvolili mieć tatuiroŭki i pirsinh
U Biełarusi źmiakčyli patrabavańni da dziaŭčat, jakija mohuć uziać udzieł u nacyjanalnym konkursie pryhažości «Mis Biełaruś».
Ilustracyjnaje fota
Heta zamacavana pastanovaj Ministerstva kultury ad 17 sakavika 2025 hoda № 29. Dakumient apublikavany siońnia na Nacyjanalnym pravavym partale.
Pastanova ŭnosić źmieny ŭ instrukcyju ab paradku arhanizacyi i praviadzieńnia konkursu.
Raniej u praviłach było paznačana, što ŭdzielničać u «Mis Biełaruś» mohuć tolki dziaŭčaty, jakija nie majuć na ciele tatuirovak i pirsinhu.
Ciapier ža vyznačana, što dziaŭčaty nie pavinny mieć na ciele vialikich i jarkich tatuirovak i pirsinhu, jakija paharšajuć estetyčny vyhlad udzielnic.
Inšymi słovami, tatuiroŭki i pirsinh — choć i z ahavorkaj — adhetul usio ž dapuskajucca.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary