Brescki błohier pakazaŭ, jak kitajski elektrakar bačyć zdaniaŭ na mohiłkach VIDEA
Brescki błohier Vaśka Piłot (Vasil Pašaluk) apublikavaŭ u instahramie videa, na jakim sistema dapamohi kiroŭcu kitajskaha elektramabila Lixiang L7 u načny čas «vyjaviła» ludziej na mohiłkach, dzie ŭ realnaści, zrazumieła, nikoha nie było. Videa źniata z sałona aŭtamabila padčas ruchu, piša Telegraf.news.
Videa źniata z sałona aŭtamabila padčas ruchu pa terytoryi mohiłak. Na ekranie multymiedyjnaj sistemy adlustroŭvajucca schiematyčnyja fihurki ludziej u tych miescach, dzie, miarkujučy pa ŭsim, raźmieščanyja nadmahilli, pomniki i kryžy.
Sistema, jakaja vykarystoŭvaje lidar dla skanavańnia navakolnaj prastory, pamyłkova interpretuje hetyja abjekty jak žyvych ludziej.
Rolik zdabyŭ papularnaść, a kamientary pad videa zastrakacieli samymi roznymi zdahadkami i žartami, niekatoryja navat mohuć zdacca «čornymi».
Niekatoryja karystalniki sprabavali znajści racyjanalnaje tłumačeńnie:
«Moža, sčytvaje fota z pomnikaŭ», — vykazaŭ mierkavańnie adzin ź ich. Inšyja ž, naadvarot, ubačyli ŭ hetym, choć i žartam, mistyčny padtekst: «Suviaź z zamahilnym śvietam. Technałohii!» — zachoplena napisaŭ inšy padpisant.
Znajšlisia i tyja, chto zadaŭsia pytańniem pra miežy mahčymaściaŭ sistemy raspaznańnia:
«Heta značyć kali pastavić draŭlany słupok i na jaho nakleić fota tvaru čałavieka, jon budzie jaho ŭsprymać jak čałavieka?»
«Kuplajcie Lixiang tyja, chto lubić adrenalin», — iranizuje adzin z kamientataraŭ, namiakajučy na vostryja adčuvańni ad «znosin» ź virtualnymi piešachodami.
«Usie nohi ŭ ich». U Kamianieckim rajonie sutyknulisia z atakaj lasnych nasiakomych
Kasy samaabsłuhoŭvańnia stali patrabavać ad biełarusaŭ skanavać adrazu pa dva kody. Navošta?
«Ledź nie pierachryściłasia». Hałasavy pamočnik Alisa šakavaŭ karystalnikaŭ svajoj biełaruskaj movaj
Minčuk prapanavaŭ kupić čyzburhier z «Makdonaldsa», zamarožany ŭ 2022 hodzie. Cana kusajecca
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča12
Kamientary