Jak paviedamili ŭ pres-słužbie Ministerstva adukacyi, ahulny płan pryjomu składzie 48,3 tysiačy čałaviek, što mienš, čym letaś, piša «Sputnik».
U 2024 hodzie VNU płanavali nabrać 52—53 tysiačy čałaviek, pryčym kolkaść biudžetnych miescaŭ była pavialičana da 31,4 tysiačy.
U hetym hodzie kolkaść biudžetnikaŭ uzraście jašče — da 31 800 čałaviek, što na 400 bolš, čym u minułym hodzie.
«Ahulny płan pryjomu na vyšejšuju adukacyju niekalki mienšy za letašni — za košt skaračeńnia kolkaści miescaŭ na płatnaj asnovie», — patłumačyŭ načalnik hałoŭnaha ŭpraŭleńnia prafiesijnaj adukacyi Ministerstva adukacyi Siarhiej Piščoŭ.
Pavodle jaho słoŭ, budzie pavialičany pryjom na inžyniernyja, piedahahičnyja i miedycynskija śpiecyjalnaści, kudy najčaściej pastupajuć abituryjenty z metavymi nakiravańniami.
Infarmacyja pra kolkaść metavych miescaŭ budzie apublikavana: da 1 maja — pa ŭsich śpiecyjalnaściach; da 1 červienia — asobna pa piedahahičnych śpiecyjalnaściach.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary