Pucin nazvaŭ umovu, kali Rasija nie budzie pretendavać na Adesu i inšyja ŭkrainskija harady
Što mahło pieraduchilić pačatak poŭnamaštabnaha ŭvarvańnia i što moža zrabić budučaje mirnaje pahadnieńnie z Ukrainaj bolš tryvałym, raspavioŭ «Kommiersant» pavodle nibyta atrymanych insajdaŭ z zakrytaj sustrečy Pucina.
Prezident Rasii Uładzimir Pucin na zakrytaj častcy źjezda RSPP (Rasijski sajuz pramysłoŭcaŭ i pradprymalnikaŭ) 18 sakavika nibyta skazaŭ, što pryznańnie Kryma ŭ składzie RF, a taksama aŭtanomii Łuhanskaj i Danieckaj respublik mahło praduchilić pačatak vajny. Śpiecyjalny karespandent «Kommiersanta» Andrej Kaleśnikaŭ śćviardžaje, što jamu pra heta raspaviali ŭdzielniki sustrečy.
Ciapier na pieramovach pa ŭkrainskim urehulavańni, pavodle toj ža krynicy, havorka idzie pra toje, što terytoryi, akupavanyja rasijanami, zastanucca Rasii.
Taksama Maskva moža zapatrabavać pryznać rasijskimi Krym, Sievastopal, ŁNR, DNR, Chiersonskuju i Zaparožskuju vobłaści.
I voś kali heta adbudziecca «ŭ najbližejšy čas», to Rasija nie stanie pretendavać na Adesu i inšyja ŭkrainskija terytoryi, pieradaje «Kommiersant», imavierna, arhanizavany źliŭ słoŭ Pucina.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie4
Kamientary
Ŭ 2014 klaŭsia što rasiejskich vojskaŭ va ukrainskim Krymu niama.
Ŭ tym ža 2014 i dalej klaŭsia što vam Ukrainie niama rasiejskich vojskaŭ, što na bambasie vajujuć šachiary, a rasiejskuju zbroju i Buki možna kupić ŭ vajentorhu.
Toj samy chto jašče 20 lutaha 2014 daŭ zahad ab akupacyi Krymu. Pry hetym rychtavaŭsia da akupacyi Krymu jak mieńš z 2008 hodu.
Toj samy kryvadušnik i iłžec jaki admaŭlaje Ukrainu jak krainu, a ukraincaŭ jak narod. I toj samy chto maryć ab poŭnaj likvidacyi suvierenitetu ŭsich krain jakija kali niebudź pa niaščaści znachodzilisia ŭ składzie klataj rasiejskaj impieryi i klataha radzianskaha chaŭrusu.