Пуцін назваў умову, калі Расія не будзе прэтэндаваць на Адэсу і іншыя ўкраінскія гарады
Што магло перадухіліць пачатак поўнамаштабнага ўварвання і што можа зрабіць будучае мірнае пагадненне з Украінай больш трывалым, распавёў «Коммерсант» паводле нібыта атрыманых інсайдаў з закрытай сустрэчы Пуціна.
Прэзідэнт Расіі Уладзімір Пуцін на закрытай частцы з'езда РСПП (Расійскі саюз прамыслоўцаў і прадпрымальнікаў) 18 сакавіка нібыта сказаў, што прызнанне Крыма ў складзе РФ, а таксама аўтаноміі Луганскай і Данецкай рэспублік магло прадухіліць пачатак вайны. Спецыяльны карэспандэнт «Коммерсанта» Андрэй Калеснікаў сцвярджае, што яму пра гэта распавялі ўдзельнікі сустрэчы.
Цяпер на перамовах па ўкраінскім урэгуляванні, паводле той жа крыніцы, гаворка ідзе пра тое, што тэрыторыі, акупаваныя расіянамі, застануцца Расіі.
Таксама Масква можа запатрабаваць прызнаць расійскімі Крым, Севастопаль, ЛНР, ДНР, Херсонскую і Запарожскую вобласці.
І вось калі гэта адбудзецца «ў найбліжэйшы час», то Расія не стане прэтэндаваць на Адэсу і іншыя ўкраінскія тэрыторыі, перадае «Коммерсант», імаверна, арганізаваны зліў слоў Пуціна.
Каментары
Ў 2014 кляўся што расейскіх войскаў ва украінскім Крыму няма.
Ў тым жа 2014 і далей кляўся што вам Украіне няма расейскіх войскаў, што на бамбасе ваююць шахіары, а расейскую зброю і Букі можна купіць ў ваенторгу.
Той самы хто яшчэ 20 лютага 2014 даў загад аб акупацыі Крыму. Пры гэтым рыхтаваўся да акупацыі Крыму як меньш з 2008 году.
Той самы крывадушнік і ілжэц які адмаўляе Украіну як краіну, а украінцаў як народ. І той самы хто марыць аб поўнай ліквідацыі суверэнітэту ўсіх краін якія калі небудзь па няшчасці знаходзіліся ў складзе клятай расейскай імперыі і клятага радзянскага хаўрусу.