«Pa haŭnie vy pavinny pachadzić». Łukašenka apraŭdvaŭsia pierad rasijanami za pryznačeńnie Turčyna

Cikavuju «impravizacyju» vydaŭ Łukašenka, tłumačačy rasijskaj aŭdytoryi, čamu pajšoŭ na siomy termin, źviarnuŭ uvahu Reform.news.

Tut siensacyj nie prahučała — jon znoŭ, jak robić heta na praciahu apošnich 30 hadoŭ, zajaviŭ, što nie chacieŭ «pieravybiracca», ale jaho «ŭhavaryli».

Nie čakajučy pytańniaŭ, jon uźniaŭ temu pryznačeńnia novaha premjer-ministra Biełarusi.

Poŭny tekst jaho vystupu:

Łukašenka: I vy nie pieražyvajcie nakont taho, što voś Łukašenka tam źmianiŭ urad. Toj byŭ dobry, hety drenny. Słuchajcie, nu źmianiŭ, ja niešta niekanstytucyjnaje, niezakonnaje zrabiŭ? Navošta padymać hetuju buru? Pryjšoŭ novy premjer, ministry tałkovyja, ale vyklučna novaje pakaleńnie. Ja heta abiacaŭ. Słuchajcie, nu nie pavinna tak być. My ž nie viečnyja. Nu Valancina Ivanaŭna, nu nie viečnyja. My ž nie viečnyja. Chutka… (śmiech u zale).

Matvijenka: Alaksandr Ryhoravič, daj vam… zdaroŭja, sił na mnohija-mnohija hady (śmiech u zale).

Łukašenka: Valancina Ivanaŭna, nu vy ž viedajecie… (śmiech, apładysmienty). Valancina Ivanaŭna, vy ž nie ŭsprymiecie heta na siabie.

Matvijenka: Vy maładziejšy za mianie, Alaksandr Ryhoravič. Tak što…

Łukašenka: Słuchajcie, daj Boh, maładyja, kab jašče byli takija, jak vy (śmiech u zale). Vy viedajecie majo staŭleńnie da vas. I siońniašniaja naša sustreča była dziakujučy Valancinie Ivanaŭnie.

Matvijenka: Voś padrabiaznaściaŭ nie treba…

Łukašenka: Tamu ja pastaviŭ peŭnuju zadaču. Ja nie źbiraŭsia vyłučacca na hetyja vybary, ja ŭžo pra heta kazaŭ, ale tam cełaja bura padniałasia. Valancina Ivanaŭna była taksama prychilnicaj taho, kab ja nie źbieh ubok.

Ale było vyrazna skazana ŭsiamu našamu narodu — za piać hadoŭ my pavinny padrychtavać novaje pakaleńnie.

I ja šmat zrabiŭ dla taho, kab «prakatać» niekatorych hubiernatarami, pa ziamli. Darujcie mianie, pa haŭnie vy pavinny pachadzić, kab razumieli jaho pach. Valancina Ivanaŭna, u vas ža nielha tak kazać…

Matvijenka: Vam usio možna, Alaksandr Ryhoravič.

Łukašenka: Možna. Vybačajcie, ale ja kažu tak, jak ja im skazaŭ.

I mnohich ja pa piać, šeść, siem hadoŭ trymaŭ ministrami, hubiernatarami na hetych pasadach, kab jany pasiejali, prybrali, razumieli, što heta takoje.

Adzin ź ich — ciapierašni premjer-ministr, tałkovy. Jon ekanamist.

U nas naohuł ciapier atrymałasia tak — heta metanakiravana my rabili — što naviersie ŭsie ekanamisty. Dobryja ekanamisty, i vučylisia dobra, viedajuć ekanamičnuju teoryju, ale ich treba było tudy akunuć. Usio, jany pachadzili, hatovyja. Voś adnaho ź ich my padniali navierch. Nu i ŭsie členy ŭrada — heta novaje pakaleńnie. Ja im prosta skazaŭ: «Ja abiacaŭ — ja zrabiŭ».

Heta ludzi, addanyja našaj palitycy. Heta ludzi, jakija viedajuć, što takoje Rasija».

• 1
• 6
• 11
• 37
• 1
• 0
• 13
• 0