Łukašenka pryjechaŭ u Kreml ź luksavym remieniem Hermes FOTAFAKT
Niadaŭna jon aburaŭsia, što biełarusy «rvucca pa Gucci, Versace i inšuju hadaść».
Na sustreču z Pucinym u Kreml Łukašenka pryjechaŭ u sinim kaściumie i z remieniem Hermes. Heta viadomy francuzski dom mody — vy mahli čuć pra sumku Birkin ad jaho, jakaja stała simvałam dastatku i maraj mnohich žančyn.
Padobny remień, jak u palityka, na sajcie brenda kaštuje kala tysiačy dalaraŭ.
Zrešty, Łukašenka nie ŭpieršyniu zaŭvažany z remieniem Hermes. Brendavaj spražkaj palityk bliskaŭ jašče ŭ 2008 hodzie — kali pryjechaŭ na pole ŭ Salihorski rajon aznajomicca z chodam uboračnaj.
Pry hetym sam Łukašenka niadaŭna krytykavaŭ biełarusaŭ, jakija zachaplajucca premijalnymi zachodnimi brendami.
«Biełarusy rvucca pa Gucci, Versace i inšuju hadaść, a treba nasić svajo. I pryvučać dziaciej da hetaha», — zajaviŭ jon na abłasnych «Dažynkach» u Klimavičach.
Kamientary