Нядаўна ён абураўся, што беларусы «рвуцца па Gucci, Versace і іншую гадасць».
На сустрэчу з Пуціным у Крэмль Лукашэнка прыехаў у сінім касцюме і з рэменем Hermes. Гэта вядомы французскі дом моды — вы маглі чуць пра сумку Birkin ад яго, якая стала сімвалам дастатку і марай многіх жанчын.
Падобны рэмень, як у палітыка, на сайце брэнда каштуе каля тысячы даляраў.
Зрэшты, Лукашэнка не ўпершыню заўважаны з рэменем Hermes. Брэндавай спражкай палітык бліскаў яшчэ ў 2008 годзе — калі прыехаў на поле ў Салігорскі раён азнаёміцца з ходам уборачнай.
Пры гэтым сам Лукашэнка нядаўна крытыкаваў беларусаў, якія захапляюцца прэміяльнымі заходнімі брэндамі.
«Беларусы рвуцца па Gucci, Versace і іншую гадасць, а трэба насіць сваё. І прывучаць дзяцей да гэтага», — заявіў ён на абласных «Дажынках» у Клімавічах.
Цяпер чытаюць
За падпіску на каналы трэш-блогера Мэлстроя цяпер будуць караць8
Каментары