Staŭ viadomy poŭny śpis pretendentaŭ na premiju Franciška Bahuševiča
Žury premii imia Franciška Bahuševiča, jakaja ŭručajecca za tvory, što raskazvajuć pra historyju i kulturu Biełarusi, razhledzieła zajaŭki i zaćvierdziła poŭny śpis naminantaŭ za 2024 hod, piša Bellit.info.
Zhodna z novym padychodam, na premiju naminavalisia nie tolki knihi, ale i artykuły, padkasty, videa /videacykły, kino dy inšyja formy tvoraŭ, što adpaviadajuć metam premii.
Takim čynam, poŭny śpis premii Franciška Bahuševiča za 2024 hod składajecca z usich dasłanych tvoraŭ, jakija adpaviadajuć techničnym kryteryjam.
Knihi:
- «Moje baba — diriektor morha» — Volha Apolka (Hola z Opola) (samvydat, 2024 hod);
2. «Kniha mohiłak. Biełaruskija pachavańni ŭ śviecie» — Natalla Hardzijenka, Lavon Jurevič (fond Kamunikat.org, 2024 hod);
3. «Zanzibar. Staleńnie maładoj dušy» — Siarhiej Dubaviec (vydaviectva «Viasna», 2024 hod);
4. «Stahodździe NN» — Siarhiej Dubaviec (vydaviectva «Viasna», 2024 hod);
5. «Ekspedycyja Vacłava Łastoŭskaha 1928 hodu. Zachavanaja spadčyna» — Volha Łabačeŭskaja (vydaviectvy Skaryna Press i Czabor Publishing, 2024 hod);
6. «Daroha 360» — Padarožny 1, Padarožny 2, Padarožny 3, Padarožny 4 (zašyfravany ŭdzieł, sapraŭdnyja źviestki pra knihu i aŭtaraŭ nie abviaščajucca publična);
7. «Savieckaja Biełaruś» — Hanna Sieviaryniec (vydaviectva Czabor Publishing, 2024 hod);
8. «Raźvitańnie z Baćkaŭščynaj» — Śviatłana Zacharčuk (zašyfravany ŭdzieł, sapraŭdnyja źviestki pra knihu i aŭtaraŭ nie abviaščajucca publična).
Artykuł u miedyja, padkast, kino, videa/videacykł, inšaje:
- Televizijny prajekt Biełsat «Vusy Skaryny» — aŭtar i viadoŭca prajekta Cimafiej Akudovič;
2. «Cikavy padkast»— aŭtarki i viadoŭcy padkastu Luboŭ Vieranicyna i Nadzieja Ravinskaja (zašyfravany ŭdzieł, sapraŭdnyja źviestki pra padkast nie abviaščajucca publična);
3. Televizijny prajekt Biełsat «Nitka Zorka. Majsternia Kaciaryny Vadanosavaj» — aŭtarka i viadoŭca prajekta Kaciaryna Vadanosava;
4. Padkast «Čarciažy svabody» («Čiertieži svobody») 1 siezon — aŭtarki i viadoŭcy padkastu Kaciaryna Dziajkała i Kaciaryna Kuźniacova;
5. Youtube-prajekt «Heta top!» — aŭtary prajekta Alaksandr Ivulin, Ryhor Astapienia;
6. Youtube-prajekt «Zahlanie sonca» — aŭtar prajekta Mikita Miełkazioraŭ;
7. Multymiedyjny prajekt «POKUĆ» — aŭtarka Nadzieja Sajapina;
8. Artykuły dla Litradio z cykła «Arhientynski paśjans»: «Častka I. Rekanstrukcyja Fłaryjana», «Častka II. Dźvie polki ŭ Karłas Pas» — aŭtarka Hanna Jankuta;
9. Cykł youtube-lekcyj «Biełaruś jak tekst» — aŭtarstva kamandy anłajn-časopisa Taubin.
Premija imia Franciška Bahuševiča była zasnavanaja Biełaruskim PENam u 1996 hodzie i z taho času, pavodle arhanizataraŭ, zastajecca simvałam pošuku praŭdy praz mastackaje słova. Jana ŭručajecca za tvory, što adlustroŭvajuć historyju, kulturu i duchoŭnuju spadčynu Biełarusi. Premija — heta nie tolki pryznańnie, ale i sproba adnavić suviaź ź minułym, adkryć novuju prastoru dla dyjałohu i samavyznačeńnia praz mastackaje słova.
Kamientary