ZŠA razhladajuć źmiakčeńnie stoli cenaŭ na rasijskuju naftu i źniaćcie sankcyj z aliharchaŭ
Administracyja Donalda Trampa praciahvaje akazvać cisk na Kijeŭ z metaj prymusić ukrainskija ŭłady da pieramoŭ z Rasijaj ab častkovym pieramirji. Ale ŭ vypadku z Maskvoj Vašynhton chutčej schilny da pasłableńniaŭ, a nie da ŭžyvańnia siły, piša The Moscow Times.
Daradcy Donalda Trampa ŭžo rychtujuć varyjanty źmiakčeńnia sankcyj, u tym liku ŭ pytańni ab cenavaj stoli dla nafty, jakaja pradajecca Rasijaj, raskazali ahienctvu Bloomberg ludzi, znajomyja z chodam abmierkavańniaŭ.
Reuters taksama paviedamiŭ pra raspracoŭku prapanoŭ pa źmiakčeńni enierhietyčnych sankcyj, kab ich možna było chutka realizavać u vypadku dasiahnieńnia damoŭlenaści na sustrečy Trampa z Uładzimiram Pucinym.
Akramia taho, pavodle infarmacyi ahienctva, u ramkach bolš šyrokaha pierahladu palityki ZŠA ŭ dačynieńni da Rasiei razhladajecca patencyjnaja admiena sankcyj u dačynieńni da asobnych jurydyčnych i fizičnych asob, u tym liku niekatorych aliharchaŭ.
Cenavaja stol dla rasijskaj nafty na ŭzroŭni $60 za barel była ŭstanoŭlenaja ŭ śniežni 2022 hoda, kali krainy ES taksama ŭviali embarha na jaje zakupki. Z tych časoŭ Rasija navučyłasia jaje abychodzić, stvaryŭšy cieniavy fłot. Jon pieravozić asnoŭnyja abjomy jaje nafty, nie nabyvajučy ŭ zachodnich kampanij strachavych i finansavych pasłuh, jakija mohuć być akazanyja tolki pry jaje prodažy tańniej za $60.
Nižej hetaha ŭzroŭniu cana ciapier apuskajecca ŭ vyniku rynkavych padziej. Tak, košt Urals upaŭ nižej za $55 za barel paśla taho, jak krainy APIEK+ tydzień tamu navažylisia pačać pavialičvać zdabyču, i cana marki Brent paśla hetaha apuściŭsia nižej za $70 za barel.
Dadatkovyja straty rasijskija kampanii i biudžet niasuć praz raźvitalnyja sankcyi administracyi Džo Bajdena, uviedzienyja 10 studzienia suprać tankieraŭ, naftatrejdaraŭ, naftazdabyŭnych i strachavych kampanij. U vyniku mocna vyraśli staŭki frachtu na dastaŭku rasijskaj nafty, padryvajučy dachody eksparcioraŭ. Vialikija abjomy nafty, vyviezienyja z rasijskich partoŭ, zachoŭvajucca na padsankcyjnych tankierach u mory, a nie razhružajucca ŭ partach pakupnikoŭ.
ZŠA nie pieršy raz u historyi viaduć handlovyja vojny. Ci prynosili pośpiech papiarednija?
Tramp pryhraziŭ Rasii sankcyjami, «pakul nie budzie dasiahnutaje spynieńnie ahniu»
«Ulik nadoju». Rasijski bank sprabuje chitra abyści sankcyi — jon zamaskiravaŭsia pad dadatak dla dajarak
Polšča ŭviała sankcyi suprać jašče adnoj kampanii, jakaja pastaŭlaje biełaruskija ŭhnajeńni
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Tramp słomał mirovoj poriadok, prievrativ SŠA v pridatok Rośsii.