Stryječny brat vice-prezidenta ZŠA Džej Dzi Vensa vajavaŭ za Ukrainu
Nejt Vens dva z pałovaj hady vajavaŭ va ŭkrainskaj armii.
47-hadovy Nejt Vens — stryječny brat vice-prezidenta ZŠA Džej Dzi Vensa i były amierykanski marski piachotnik. Jon byŭ dobraachvotnikam u składzie viadomaha padraździaleńnia ŭkrainskaj armii pad nazvaj «Vaŭki Da Vinčy», paviedamlaje Le Figaro.
U Nejta i Džej Dzi Vensa ahulnyja babula ź dziadulem, maci Džej Dzi — siastra baćki Nejta.
Z 18 da 22 hadoŭ Nejt słužyŭ u amierykanskaj marskoj piachocie, paśla ŭ Techasie rabiŭ karjeru ŭ naftavaj kampanii.
Kali pačałasia poŭnamaštabnaja vajna Rasii va Ukrainie, jon rašyŭ pajechać na front. U červieni 2022 hoda mužčyna ŭžo byŭ na Danbasie. Jon udzielničaŭ u bajach za Kupiansk, Bachmut, Aŭdziejeŭku i Pakroŭsk.
Nejt zvolniŭsia z ukrainskaj armii ŭ studzieni 2025 hoda, za niekalki dzion da taho, jak jaho stryječny brat byŭ pryviedzieny da prysiahi jak vice-prezident ZŠA.
Nejt Vens raskazaŭ vydańniu, što jaho razzłavała niadaŭniaja razmova jaho stryječnaha brata i Donalda Trampa z Uładzimiram Zialenskim u Biełym domie.
«Džej Dzi — dobry, razumny chłopiec. Kali jon krytykavaŭ dapamohu Ukrainie, ja kazaŭ sabie, što heta było tamu, što jon pavinien byŭ spadabacca peŭnamu elektaratu, što heta była palityčnaja hulnia. Ale toje, što jany zrabili ź Zialenskim, było absalutna niadobrasumlennaj zasadaj».
«Donald Tramp i moj stryječny brat, vidavočna, dumajuć, što zmohuć atrymać pieramohu nad Uładzimiram Pucinym. Jany pamylajucca. Ruskija nie źbirajucca zabyvać ab našaj padtrymcy Ukrainy. My karysnyja idyjoty Uładzimira Pucina», — vykazaŭsia jon.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary
Kstati, v ostanovku vojennoj pomoŝi vošioł zapriet SŠA na ispolzovanije i obsłuživanije sistiem, razrabotannych v SŠA i imiejuŝich amierikanskije komponienty, v istriebitielach F-16 pieriedannych Jevropoj Ukrainie.
Riešienije prošło niezamietno v noċ s subboty na voskriesieńje.