Žonka Džyna Chekmana pamierła ad redkaha virusa, jaki pieradajecca praz hryzunoŭ. A Chekman — praz tydzień, kala jaje
Pavodle vynikaŭ sudova-miedycynskaj ekśpiertyzy, 95-hadovy akcior Džyn Chekman i jaho 65-hadovaja žonka, pijanistka Betsi Arakava, pamierli pa naturalnych pryčynach. Cieła Chekmiena było znojdziena ŭ jaho domie ŭ Santa-Fe 27 lutaha, pobač ź im znachodziłasia cieła jaho žonki, piša Bi-bi-si.
Ekśpierty ŭstanavili, što Arakava pamierła pieršaj, 11 lutaha, ad chantavirusnaha lohačnaha sindromu — redkaha zachvorvańnia, jakoje pieradajecca ad hryzunoŭ i paražaje lohkija. U domie byli vyjaŭleny ślady prysutnaści hryzunoŭ, što mahło pryvieści da zaražeńnia.
Pryčynaj śmierci samoha Chekmana stała hipiertanija na fonie chvaroby Alchiejmiera. Pavodle zaklučeńnia sudmiedekśpierta Chezier Džareł, śmierć nastupiła, vierahodna, 18 lutaha, praz tydzień paśla śmierci jaho žonki; dakładna vyznačyć čas śmierci niemahčyma. Praz chvarobu Alchiejmiera Chekman moh nie ŭśviedamlać, što jaho žonka pamierła.
U domie taksama byŭ znojdzieny miortvy sabaka pary. Pradstaŭnik Ministerstva achovy zdaroŭja Ńju-Mieksika paviedamiła, što sabaki nie zaražajucca chantavirusam. U kuchni doma była vyjaŭlena ŭciečka hazu, ale, pavodle šeryfa akruhi Santa-Fe Ejdena Miendosy, jana była niaznačnaj.
Rasśledavańnie praciahvajecca, u pryvatnaści, čakajucca vyniki ŭskryćcia sabaki, kab vyznačyć pryčynu jaho śmierci.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary