Škoły, sadki i słupki damoŭ. Što novaha čakaje Kamiennuju Horku?
Na sajcie administracyi Frunzienskaha rajona startavała hramadskaje abmierkavańnie «Horadabudaŭničaha prajekta detalovaha płanavańnia žyłoha rajona Kamiennaja Horka (uniasieńnie źmianieńniaŭ)».
U dakumiencie prapanujecca ŭnieści zaŭvažnyja «papraŭki» va ŭžo stabilnaje žyćcio mikrarajonaŭ. U tym liku admovicca ad budaŭnictva niekatorych abjektaŭ. I dadać novyja punkty pryciahnieńnia, nieabchodnyja dla paŭnavartasnaha žyćcia minčan.
Akramia hetaha, horadabudaŭniki taksama znajšli reziervovyja placoŭki dla ŭźviadzieńnia dvuch damoŭ, piša Onliner.by.
Što budzie z sadami i škołami?
Płany pa pieraŭtvareńni zakranajuć vialikuju terytoryju: kvadrat abmiežavany vulicami Lucynskaja — Kaleśnikava i Kuncaŭščyna — Prytyckaha — MKAD. Albo ŭsie piać Kamiennych Horak.
Raspracoŭščyki prajekta adznačajuć, što praces budaŭnictva zapłanavanych žyłych damoŭ užo zavieršany: usie vysotki zaniali svaje miescy. I pierachodziać da navin: «Analiz zabiaśpiečanaści nasielnictva ŭstanovami ahulnaj siaredniaj i daškolnaj adukacyi pakazaŭ lišak kolkaści raniej zaprajektavanych abjektaŭ. Što dazvalaje vyklučyć budaŭnictva dvuch dziciačych sadoŭ u mikrarajonach Kamiennaja Horka — 2 i 5. I dźviuch škoł u tych ža mikrarajonach».
U toj ža čas u susiednich mikrarajonach zaprajektavanyja i jašče nie pabudavanyja škoły-sadki zastajucca na miescy. Za heta pieražyvać nie varta. U «biaździetnuju pustelniu» kvartały nie pieratvoracca.
Što prapanujecca pabudavać zamiest škoł i sadoŭ? Damy. Ale ŭpisać ich treba tak, kab miascovyja žychary nie adčuvali deficytu ŭ sacyjalnych abjektach, parkoŭkach i zialonych nasadžeńniach.
Nie varta dumać, što kvartały čakaje supieruščylnieńnie: dadać płanujuć usiaho dva šmatpaviarchoviki na 209 kvater. Heta para standartnych mapidaŭskich słupkoŭ.
Cikava, što «admianiajuć» sady i škoły ŭ Kamiennaj Horcy — 2 i 5, a vysotki pabudujuć (kali hramadskaje abmierkavańnie projdzie paśpiachova dla raspracoŭščykaŭ) u Kamiennaj Horcy — 4 i 5.
Nahadajem, što ŭ pačatku hetaha hoda staršynia Minharvykankama raskazaŭ pra toje, što daloka nie ŭsie škoły i dziciačyja sady, jakija raniej byli zaprajektavanyja ŭ stalicy, u vyniku buduć uźviedzienyja.
Usio tamu, što ŭ budučyni, pa raźlikach, hetyja ŭstanovy mohuć apynucca niezapatrabavanymi. «Try hady tamu my pierahledzieli prahramy pa budaŭnictvie dziciačych sadoŭ i škoł. Skaročana 14 takich abjektaŭ, jany nie buduć budavacca z ulikam taho, što takija abjekty jość u krokavaj dastupnaści».
Jak ciapier zrazumieła, adnoj z łakacyj, dzie vyrašyli skaracić kolkaść škoł i sadoŭ, stała Kamiennaja Horka.
Što novaha dadaduć?
Zamiena navučalnych ustanoŭ na žyłyja damy — heta jašče daloka nie ŭsio. Na pustkach u kožnaj z Kamiennych Horak pavinny źjavicca novyja abjekty.
Tak, u Kamiennaj Horcy — 1, pa płanach, vyrastuć sadok na 230 miescaŭ i škoła na 1020 navučencaŭ.
U Kamiennaj Horcy — 2 prapanujuć raźmiaścić handlova-absłuhovy abjekt (bližej da vulicy Kaleśnikava), ustanovu dadatkovaj adukacyi (mastackuju abo muzyčnuju škołu) na 220 miescaŭ.
Na Nalibockaj prajekciroŭščyki znajšli miesca dla mini-rynku. Taksama pavinna być zavieršana budaŭnictva «błoka bytavoha absłuhoŭvańnia z kafe i tualetam».
Z asabliva pryjemnaha — arhanizacyja i dobraŭparadkavańnie skviera.
Dla Kamiennaj Horki — 3 praduhledžany najbolš raznapłanavyja źmieny. A mienavita: budaŭnictva chrama ŭ honar Kiryła Turaŭskaha, uźviadzieńnie novaha FAKa, budaŭnictva abjekta handlovaha pryznačeńnia z kafe, šmatuzroŭnievy haraž-stajanka i naziemny parkinh, park i skvier.
Płany pa ŭźviadzieńni dvuch sadkoŭ i adnoj škoły zastajucca ŭ sile.
U Kamiennaj Horcy — 4. Tut pobač z užo isnujučymi šmatpaviarchoŭkami i pavinien źjavicca novy 19-paviarchovy słupok. A taksama paliklinika na 850 naviedvańniaŭ u źmienu, šmatfunkcyjanalny hramadski abjekt, handlova-absłuhovy abjekt i dziciačy sad. U centralnaj častcy kvartała dobraŭparadkujuć skvier.
Narešcie, Kamiennaja Horka — 5. Tut źjavicca takaja ž «śviečka» na 19 pavierchaŭ, a jašče dva sadki, škoła, ŽES i punkt bytavoha absłuhoŭvańnia.
A park Uha Čaviesa nie zabudujuć?
Napaŭnieńnie centralnaj častki Kamiennaj Horki naŭrad ci asabliva ździvić. Park Uha Čaviesa, jaki za apošni čas zaŭvažna źmianiŭsia, abiacajuć kančatkova «admarafiecić».
Tam i biez taho ŭžo dobra, ale budzie jašče viesialej i bolš malaŭniča. Užo znajomyja minčanam TRC Mega Park, daŭno abiacany FOK i chram śviatoha Mikałaja Japonskaha abiacajuć davieści da ładu.
Usie astatniaje zastaniecca jak jość, nijakich novych budoŭlaŭ.
Pry hetym, pa mierkavańni raspracoŭščykaŭ prajekta, terytoryi, niepasredna prylehłyja da MKAD, vykarystoŭvajucca nieracyjanalna: «Učastki na praciahu dziesiacihodździaŭ nie asvojvajucca i nie pradstaŭlajuć cikavaści dla patencyjnych inviestaraŭ».
«Kalamkadnyja» ziemli prapanujecca padzialić na asobnyja ŭčastki i asvoić.
Asnoŭnaja častka płoščaŭ advodzicca pad parkoŭki, jakija pavinny spatrebicca miascovym žycharam.
Taksama zaprajektavany adzin handlovy abjekt.
Jak uziać udzieł u hramadskim abmierkavańni?
Hramadskaje abmierkavańnie praciahniecca da 13 sakavika 2025 hoda ŭklučna.
Vykazać svaje zaŭvahi i prapanovy možna: asabista — u žurnale ŭliku naviedvalnikaŭ, jaki znachodzicca ŭ faje budynka administracyi. Piśmova — dasłaŭšy list z pamietkaj «hramadskaje abmierkavańnie» na adras: 220073, h. Minsk, vuł. Kalvaryjskaja, 39. Pa elektronnaj pošcie: [email protected].
Kamientary