«Nie treba Zialenskaha ciapier nachilać, jakim by jon ni byŭ. Treba pierakanać, damovicca i ź Zialenskim, bo za Zialenskim staić bolšaja častka ŭkrainskaha hramadstva. Tamu treba damaŭlacca», — skazaŭ Łukašenka.
Minsk hatovy arhanizavać pieramovy Donalda Trampa, Uładzimira Pucina i Uładzimira Zialenskaha. Pra heta Alaksandr Łukašenka zajaviŭ u intervju amierykanskamu błohieru Marya Naŭfału, jakoje było zapisana ŭ minuły čaćvier, piša BiełTA.
«Nie treba Zialenskaha ciapier nachilać, jakim by jon ni byŭ. Treba pierakanać, damovicca i ź Zialenskim, bo za Zialenskim staić bolšaja častka ŭkrainskaha hramadstva.
Tamu treba damaŭlacca. Chočacie — pryjazdžajcie. Voś, pobač — 200 kiłamietraŭ ad biełaruskaj miažy da Kijeva. Paŭhadziny na samalocie. Pryjechali. Voś tut siadziem. Spakojna, biez šumu, biez krykaŭ damovimsia. Tamu pieradajcie Trampu: ja jaho čakaju tut razam z Pucinym i Zialenskim. Siadziem i spakojna damovimsia. Kali vy chočacie damovicca», — skazaŭ Alaksandr Łukašenka.
Jon ličyć, što Donald Tramp bolš samastojny prezident, čym jaho papiarednik Džo Bajden.
«Jon, navat kali niapravilna, ale prymie rašeńnie. Bajden sam rašeńnia nie prymaŭ. Jamu kazali: nie treba telefanavać, — jon nie telefanavaŭ. Jamu skazali: nazavi Pucina dyktataram, — jon nazvaŭ jaho dyktataram, — adznačyŭ Łukašenka.
— U jaho kuča daradcaŭ: pa vajennych pytańniach — u Pientahonie, pa pytańniach źniešnich adnosin — Blinkien, były dziaržsakratar, viadučaja fihura, i im padobnyja. Bolš za toje, tam ža, u Dziarždepie, siadzieli ludzi, jakija hladzieli ŭ rot Blinkienu i kazali toje, što kazaŭ Blinkien. Stvarałasia vializnaja armija, jakaja Džo Bajdena padšturchoŭvała ŭ peŭnym kirunku».
Alaksandr Łukašenka nie vyklučyŭ, što svaje intaresy ŭ časy Džo Bajdena aktyŭna łabiravali i pradstaŭniki vajennaj pramysłovaści.
«A Bajden u siłu svajho charaktaru i ŭ siłu svajho fizičnaha stanovišča nie moh supraciŭlacca, jak supraciŭlajecca Tramp. Voś u čym usia prablema», — ličyć Łukašenka.
Ciapier čytajuć
Połk Kalinoŭskaha paviedamiŭ pra hibiel troch bajcoŭ4
Kamientary