U Hiermanii patrabujuć viarnuć abaviazkovy pryzyŭ u armiju ŭžo sioleta
Chryścijanska-sacyjalny sajuz (CSU) nastojvaje, što abaviazkovaja vajskovaja słužba pavinna być uviedziena ŭ Hiermanii ŭžo ŭ hetym hodzie. Pa słovach pradstaŭnika pa pytańniach abarony Sajuza Fłaryjana Chana, prypynieńnie abaviazkovaj vajennaj słužby bolš nie adpaviadaje biahučaj pahrozie, piša Bild.
«Užo ŭ 2025 hodzie pieršyja pryzyŭniki pavinny buduć prajści praz varoty kazarmaŭ. My nie možam biezuvažna nazirać, jak śviet vakoł nas stanovicca ŭsio bolš niebiaśpiečnym», — skazaŭ Chan.
Dla płanavanaj kolkaści ŭ 203 000 sałdat Bundeśvieru nie chapaje jašče kala 20 000 čałaviek, mnohija pasady zastajucca vakantnymi. Pa dadzienych ekśpiertaŭ, realnaja bajazdolnaść u šerahu padraździaleńniaŭ składaje ŭsiaho kala 50%.
Patryk Zensburh, kiraŭnik Asacyjacyi reziervistaŭ, padtrymlivaje nieadkładnaje adnaŭleńnie abaviazkovaj vajskovaj słužby.
«Prynamsi, 20 000 pryzyŭnikoŭ my pavinny zaklikać da kanca hoda. My možam heta zrabić z dapamohaj najaŭnaj infrastruktury i ŭžo isnujučych navučalnych mahutnaściaŭ. Krok za krokam my pavinny pašyryć abaviazkovuju vajskovuju słužbu. Jana pavinna raspaŭsiudžvacca jak na mužčyn, tak i na žančyn», — skazaŭ Zensburh u intervju BILD.
Ministr abarony Barys Pistoryus vystupiŭ za słužbu ŭ vojsku, ale suprać abaviazkovaj vajskovaj słužby. U jakaści prykładu jon pryvioŭ šviedskuju madel abaviazkovaj słužby, zasnavanuju na dobraachvotnaści, ale z mahčymaściu abaviazkovaha pryzyvu.
U 2011 hodzie abaviazkovaja vajskovaja słužba ŭ Niamieččynie była prypynienaja.
CSU źjaŭlajecca rehijanalnaj partyjaj, jakaja dziejničaje vyklučna ŭ Bavaryi, i ŭjaŭlaje saboj partniorskuju arhanizacyju Chryścijanska-demakratyčnaha sajuza (CDU), ź jakim razam utvaraje aljans, nazvany «Chryścijanska-demakratyčnym sajuzam/Chryścijanska-sacyjalnym sajuzam» (CDU/CSU) — jon atrymaŭ na minułych vybarach u Bundestah najbolšuju kolkaść hałasoŭ.
-
U Padmaskoŭi zahinuŭ kiraŭnik kampanii-pastaŭščyka kampazitnych materyjałaŭ dla MS-21 i paranieny budaŭnik kaśmičnaha centra, adkrytaha Pucinym
-
Kibierataka paralizavała pracu aeraportaŭ pa ŭsioj Jeŭropie
-
Saudaŭskaja Aravija ŭ ramkach vajennaha sajuza z Pakistanam moža atrymać dostup da jadziernaj zbroi
Kamientary