U Kramli adreahavali na spynieńnie ZŠA vajennaj dapamohi Ukrainie: Najlepšy ŭkład u spravu miru
U Kramli prakamientavali paviedamleńni pra spynieńnie pastavak amierykanskaj vajennaj dapamohi Ukrainie. Dźmitryj Piaskoŭ nazvaŭ heta «najlepšym układam» u «mirnaje» ŭrehulavańnie rasijska-ŭkrainskaj vajny.
Prypynieńnie amierykanskaj vajskovaj dapamohi Ukrainie budzie spryjać mirnamu ŭrehulavańniu, zajaviŭ pres-sakratar prezidenta Rasii, piša «Interfaks».
«Jašče treba budzie daviedacca detali, ale, kali heta adpaviadaje rečaisnaści, to heta rašeńnie, jakoje, sapraŭdy moža padšturchnuć Kijeŭski režym da mirnaha pracesu», — skazaŭ Dźmitryj Piaskoŭ.
Pavodle jaho słoŭ, «toje, što da hetaha času ZŠA byli hałoŭnym pastaŭščykom hetaj vajny, heta vidavočna».
«Kali ZŠA prypyniać hetyja pastaŭki, heta budzie, napeŭna, najlepšy ŭkład u spravu miru», — dadaŭ Piaskoŭ.
Pry hetym pradstaŭnik Kramla zaŭvažyŭ, što niekatoryja jeŭrapiejskija krainy zajaŭlajuć ab namiery praciahvać akazvać usiebakovuju dapamohu Ukrainie. «Heta značyć jany niejak, napeŭna, buduć sprabavać kampiensavać stračanyja abjomy bojeprypasaŭ i ŭsiaho astatniaha. Ale, viadoma ž, samy hałoŭny abjom da hetaha času atrymlivaŭsia sa Złučanych Štataŭ i pa kanałach Złučanych Štataŭ», — skazaŭ jon.
«Pahladzim. Ciapier vielmi šmat razroźnienaj infarmacyi, hałoŭnym čynam jana idzie sa spasyłkaj na krynicy. I viadoma, treba hladzieć, jak raźvivajecca situacyja na ziamli», — dadaŭ jon.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary