Prezident ZŠA Donald Tramp u paniadziełak praviadzie sustreču z vyšejšymi čynoŭnikami svajoj administracyi, adkaznymi za abaronu i biaśpieku, kab abmierkavać palityku ŭ dačynieńni da Ukrainy. Pra heta paviedamlaje The New York Times sa spasyłkaj na nienazvanaha pradstaŭnika administracyi.
Pavodle jaho słoŭ, u naradzie voźmuć udzieł, u tym liku dziaržsakratar Marka Rubia i ministr abarony Pit Chiehsiet. Jak paviedamlajecca, buduć razhladacca roznyja varyjanty dziejańniaŭ, u tym liku prypynieńnie abo poŭnaja admiena vajennaj dapamohi Ukrainie, uklučajučy ŭžo ŭzhodnienyja pry administracyi Bajdena pastaŭki bojeprypasaŭ i abstalavańnia.
Aficyjna Bieły dom pra hetuju sustreču nie paviedamlaŭ.
28 lutaha pieramovy Trampa i prezidenta Ukrainy Uładzimira Zialenskaha ŭ Biełym domie zaviaršylisia publičnaj pierapałkaj, paśla čaho ŭkrainskaja delehacyja daterminova pakinuła Bieły dom. Padrychtavanaje pahadnieńnie ab supracoŭnictvie ŭ śfiery zdabyčy karysnych vykapniaŭ i stvareńni inviestycyjnaha fondu tak i nie było padpisana.
Paśla hetaha jak sam prezident ZŠA, tak i vysokapastaŭlenyja pradstaŭniki administracyi zajavili, što sumniajucca ŭ imknieńni ŭkrainskaha lidara da miru z Rasijaj. Akramia taho, jany adznačyli, što Zialenski prajaviŭ niepavahu da Trampa, ustupiŭšy ź im u palemiku.
U paniadziełak Tramp u sacyjalnaj sietcy Truth napisaŭ, što ličyć, što ZŠA varta mienš turbavacca pra dziejańni rasijskaha prezidenta Uładzimira Pucina i bolš — pra ŭnutranyja prablemy.
«My pavinny mienš turbavacca pra Pucina, a bolš — pra bandy mihrantaŭ-hvałtaŭnikoŭ, narkabaronaŭ, zabojcaŭ i ludziej ź psichijatryčnych klinik, jakija ŭjazdžajuć u našu krainu — kab my nie stali padobnymi da Jeŭropy!» — napisaŭ Tramp.
Zajava Trampa zroblena na fonie aktyvizacyi kantaktaŭ pamiž Vašynhtonam i Maskvoj.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary