Heta baćka Ryhora Azaronka.
Juryj Azaronak staŭ šyroka viadomy paśla taho, jak u 1995 hodzie źniaŭ dakumientalny film «Nianaviść: dzieci chłuśni», u jakim paraŭnoŭvaŭ apazicyju ź dziejačami Druhoj suśvietnaj i aktyŭna vykarystoŭvaŭ archiŭnuju kinachroniku pieryjadu nacysckaj akupacyi.
Stužka źjaviłasia na teleekranach napiaredadni refierendumu, jaki źmianiŭ status biełaruskaj movy i skasavaŭ histaryčnuju simvoliku — bieł-čyrvona-bieły ściah i hierb «Pahonia».
Paśla Azaronak vypuściŭ jašče prapahandysckija filmy «Zakulisa» i «Tajemnyja spružyny palityki» — akurat pierad refierendumam 1996 hoda i prezidenckimi vybarami 2001-ha.
Azaronak, ź jakim sudzilisia apazicyjnyja palityki — a Mikoła Statkievič navat daŭ jamu poŭchu — zahadvaŭ litaraturna-dramatyčnaj redakcyjaj Nacyjanalnaj dziaržaŭnaj teleradyjokampanii Biełarusi (NDTRK) i infarmacyjnym adździełam Biełaruskaha patryjatyčnaha sajuzu moładzi, byŭ pres-sakratarom Hienprakuratury Biełarusi (jakuju tady ŭznačalvaŭ Viktar Šejman).
U 2005 hodzie dasiahnuŭ karjernaha piku — byŭ pryznačany namieśnikam staršyni NDTRK, adkul jaho ŭ 2008-m zvolnili za pjany deboš.
U 2006-m trapiŭ pad sankcyi — jamu zabaranili ŭjezd u ZŠA i ES.
Z 2009 hoda Azaronak-starejšy kiravaŭ telekanałam dla hłuchich i ludziej sa słabym słycham «Žest-TB».
A paźniej pracavaŭ u adździele infarmacyi i hramadskich suviaziaŭ Upraŭleńnia spravami Łukašenki pad kiraŭnictvam Viktara Šejmana.
Jaho syn Ryhor Azaronak pajšoŭ pa śladach baćki i taksama staŭ prapahandystam. Jon paabiacaŭ, što budzie praciahvać spravu baćki ŭ słavu Łukašenki.
Brat Juryja Azaronka — deputat Pałaty pradstaŭnikoŭ ad Lepielskaha rajona. U Lepieli i pachavajuć byłoha prapahandysta.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary