Hetym razam da žurnalistaŭ prystavili tak zvanuju «infarmacyjnuju hrupu» z pres-aficeraŭ.
18:10
Čatyry čałavieki stali na płoščy z partretami Aŭtuchoviča i viciebskaha aktyvista Aleha Surhana. Praz paru chvilin padjechaŭ aŭtobus, ź jakoha vyjšli 15 śpiecnazaŭcaŭ, jakija akružyli demanstrantaŭ i paviali ŭ aŭtobus.
Cikava, što «infarmacyjnaja hrupa» paśla pačatku akcyi «Salidarnaści» znachodziłasia ŭ dalokim kucie płoščy. Žurnalisty praihnaravali zakliki zastacca razam z pres-aficerami. A kali źvianulisia da ich pa kamientary i infarmacyju paśla skančeńnia pikietu, milicyjaniery navat nie byli ŭ stanie patłumačyć, kudy pavieźli zatrymanych.
* * *
Na Kastryčnickaj płoščy pakul usio spakojna, šmat ludziej u cyvilnym, mienš milicyi, taksama znachodziacca čatyry čałavieki ŭ sinich śviatłaadbivalnych kurtkach z nadpisam «infarmacyjnaja hrupa».
Jany achvotna hamoniać z žurnalistami, fatahrafujucca i zaznačajuć, što samaje biaśpiečnaje miesca na płoščy – heta kala ich, a voś užo kali dalej stajać– to tam niebiaśpiečna.
Na padychodzie da Kastryčnickaj byŭ zatrymany hramadski aktyvist Alaksiej Čarnyšoŭ.
* * *
Čatyry hady kožny miesiac 16‑ha dnia prachodzić akcyja ŭ padtrymku palitviaźniaŭ i siemjaŭ źnikłych.
U roznych haradach Biełarusi i zamiežža ludzi vychodziać na vulicy sa ściahami i partretami, kab pryzvać biełaruskija ŭłady da spynieńnia represij i da palityčnych źmienaŭ u krainie. Akcyja «Salidarnaści» maje na mecie nahadać hramadstvu, što ŭ Biełarusi ŭsio jašče jość viaźni sumleńnia:
heta vaŭkavyskija pradprymalniki Mikałaj Aŭtuchovič i Uładzimir Asipienka, praces nad jakimi adnaviŭsia siońnia, 16 sakavika,
a taksama aktyvist «Maładoha Frontu» Arciom Dubski.
Taksama ŭ Biełarusi pa‑raniejšamu amal nie rasśledujucca spravy ab źniknieńni ŭ 1999‑2000 hh apazicyjnych lideraŭ Viktara Hančara, Juryja Zacharanki, Anatola Krasoŭskaha i žurnalista Dźmitryja Zavadskaha.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty27
Kamientary