Pa słovach ministra abarony ZŠA Pita Chiehsieta, nielha mierkavać, što «prysutnaść Amieryki ŭ Jeŭropie budzie doŭžycca viečna», piša Onet.
Padčas vizitu ministra abarony ZŠA Pita Chiehsieta ŭ Polšču toj byŭ pavinien pierakanać, što amierykanskija vojski z krainy «nikudy nie padzienucca», ale žurnalisty Onet daviedalisia pra hety vizit niekalki novych padrabiaznaściaŭ.
Ministr pravioŭ u Polščy amal dva dni na minułym tydni — heta byŭ biesprecedentny vizit, piša Onet. Pit Chiehsiet sustreŭsia ź vice-premjeram i kiraŭnikom Ministerstva abarony i prezidentam krainy.
Amierykaniec naviedaŭ skład APS-2, jaki źjaŭlajecca častkaj hłabalnaj vajskovaj infrastruktury ZŠA. Heta adzin ź siami składoŭ takoha typu, jakija naležać uzbrojenym siłam ZŠA ŭ śviecie, i jaho raźmiaščeńnie ŭ Polščy padkreślivaje stratehičnuju važnaść abaronnaha supracoŭnictva pamiž dźviuma krainami.
Žurnalisty adznačajuć, što Chiehsiet padčas svajho vizitu ŭ Polšču pasiejaŭ niavyznačanaść u kantekście amierykanskaj vajskovaj prysutnaści ŭ krainie. Jon skazaŭ tak:
«Toje, što adbudziecca praz 5,10 abo 15 hadoŭ, siońnia źjaŭlajecca častkaj bolš šyrokaj dyskusii, jakaja adlustroŭvaje ŭzrovień pahrozy, staŭleńnie Amieryki, našy patreby va ŭsim śviecie, ale, samaje hałoŭnaje, zdolnaść jeŭrapiejskich krain dziejničać. Tamu naša pasłańnie našym jeŭrapiejskim sajuźnikam siońnia tak niepachisna. Siońnia nastaŭ čas inviestavać, tamu što vy nie možacie mierkavać, što prysutnaść Amieryki [u Jeŭropie] budzie doŭžycca viečna», — skazaŭ jon.
Jon taksama adznačyŭ, što ciapier pryjarytetam dla ZŠA źjaŭlajecca Cichaakijanski rehijon, a nie Jeŭropa.
Polšča vykarystoŭvaje amierykanskuju prahramu kredytavańnia i harantyj na sumu 11 miljardaŭ dołaraŭ. Pa źviestkach Onet, hetyja hrošy nie znachodziacca pad pahrozaj, niahledziačy na toje, što administracyja prezidenta Donalda Trampa abmiežavała srodki na tak zvanuju źniešniuju dapamohu.
Jak śćviardžajuć žurnalisty sa spasyłkaj na svaje krynicy, Polšča i krainy Bałtyi ŭziali na siabie ciažar «infarmavańnia» novaj amierykanskaj administracyi ŭ dačynieńni da stasunkaŭ z Rasijaj.
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki33
Kamientary