Pra heta eks-kiraŭnik patryjatyčnaha centra ŭ Bresckaj krepaści Piatro Picko paviedamiŭ u sacsietkach.
«Zabaronienych pradmietaŭ ni ŭ mianie doma, ni doma ŭ maich baćkoŭ niama. Ekstremisckija materyjały ja nie raspaŭsiudžvaju», — napisaŭ jon.
Miarkujučy pa ŭsim, jaho nie zatrymali, a tolki praviali vobšuk. Z čym byŭ źviazany vizit siłavikoŭ, Picko nie ŭdakładniŭ. Ale ŭ kamientaryjach źjaviłasia takaja replika ad jaho:
«Piedafilija, vandalizm, niezakonnaja pradprymalnickaja dziejnaść, čornaje kapalnictva, handal savieckimi ordenami, ekstremizm… praściej znajści toje, u čym mianie jašče nie sprabavali vinavacić».
Picko dadaŭ, što «razumieje, što kamuści vielmi nie padabajecca».
Piatro Picko — pošukavik, były druhi sakratar Bresckaha haradskoha kamiteta BRSM. U 2018 hodzie jon byŭ pryznačany kiraŭnikom moładzievaha patryjatyčnaha centra na terytoryi Bresckaj krepaści, piša «Zierkało».
Paśla hetaha jon biez uzhadnieńnia z uładami pasprabavaŭ «dobraŭparadkavać» zakinutyja kazarmy na terytoryi miemaryjalnaha kompleksu. Razam z hrupaj adnadumcaŭ jon śpiłavaŭ kusty i drevy vakoł kazarmaŭ, raźbityja vokny zamianiŭ na baniery z fotazdymkami vajennych rekanstruktaraŭ va ŭniformach sałdat Čyrvonaj Armii, a taksama ŭziaŭsia za abnaŭleńnie savieckich łozunhaŭ epochi Stalina.
Miascovyja ŭłady pryznali hetyja pracy psavańniem kulturnaj kaštoŭnaści. Aktyvistu dali štraf, sam jon paźniej pakinuŭ pasadu kiraŭnika moładzievaha centra.
Akramia taho, Picko — adzin z paplečnikaŭ adyjoznaj prapahandystki Volhi Bondaravaj, udakładniaje vydańnie.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»15
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4141
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie41
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary