Zialenski pieranios pryznačany na zaŭtra svoj vizit u Saudaŭskuju Araviju
Pra pieranos svajho zapłanavanaha vizitu ŭ Saudaŭskuju Araviju na fonie rasijska-amierykanskich pieramoŭ prezident Ukrainy Uładzimir Zialenski zajaviŭ padčas pres-kanfierencyi z prezidentam Turcyi Redžepam Taipam Erdahanam.
Uładzimira Zialenskaha zapytalisia, ci płanuje jon sustreču z amierykanskimi čynoŭnikami ŭ Saudaŭskaj Aravii, dzie tyja siońnia praviali pieramovy z rasijskaj delehacyjaj i kudy jon sam płanavaŭ pryjechać zaŭtra, 19 lutaha.
«Ja nie viedaju, chto tam budzie zastavacca, a chto — pajedzie. Ščyra kažučy, mnie nie ŭsio roŭna, kab partniory pra nas niešta lišniaje padumali. My absalutna sumlennyja, adkrytyja, ja nie chaču supadzieńniaŭ. I tamu ja nie pajedu ŭ Saudaŭskuju Araviju, my źviazalisia z našymi partniorami tam i papiaredzili», — zajaviŭ Zialenski.
Ukrainski prezident adznačyŭ, što maje dobryja adnosiny sa spadčynnym pryncam Saudaŭskaj Aravii Muchamiedam ibn Sałmanam. Tamu jon źviazaŭsia ź im i pieranios svoj vizit na 10 sakavika.
«Nielha prymać rašeńnie biez Ukrainy, jak zaviaršyć vajnu va Ukrainie. Tyja ci inšyja ŭmovy, nas nie zaprašali na hetuju sustreču. Rasijska-amierykanskuju sustreču ŭ Saudaŭskaj Aravii. Dla nas heta było siurpryzam. Tak jak i dla mnohich», — zajaviŭ Zialenski.
Raniej Zialenski kazaŭ, što taksama płanuje vizit u Saudaŭskuju Araviju, ale nie dla pieramoŭ z rasijanami. Razam z žonkaj Alenaj Zialenskaj jon užo naviedaŭ AAE, kab abmierkavać inviestycyi, ekanamičnaje partniorstva i bujnuju humanitarnuju prahramu. Ciapier Zialenski znachodzicca ŭ Turcyi.
Stali viadomyja važnyja ŭmovy dla mirnaha pahadnieńnia pamiž Rasijaj i Ukrainaj
Łaŭroŭ zajaviŭ, što nie bačyŭ trochetapnaha mirnaha płanu pa Ukrainie
Kreml: Pucin hatovy da pieramovaŭ ź Zialenskim
Kreml prapanavaŭ Trampu rasijskuju naftu i dostup u Arktyku
ZŠA i Rasija damovilisia ab adnaŭleńni raniejšaj kolkaści štatu pasolstvaŭ
Pieramovy pamiž Rasijaj i ZŠA ŭ Er-Ryjadzie pačalisia
Kamientary