U Kobrynie za pratesty buduć sudzić dvuch bratoŭ i siamiejnuju paru
U sudzie Kobrynskaha rajona 25 lutaha pačniecca razhlad kryminalnaj spravy pavodle č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak) Kryminalnaha kodeksa suprać Dźmitryja Kubareckaha, Natalli Kubareckaj, Viktara Cichanienki, Illi Cichanienki. Praces budzie vieści sudździa Alaksiej Kmita, piša «Viasna».
Z dapamohaj «Biełpoł», što viadoma pra abvinavačvanych.
Illu Cichanienku 28 hadoŭ. Mužčyna pracavaŭ liciejščykam na kobrynskaj fabrycy dziciačych cacak «Paleśsie». U 2018 hodzie Illa pryciahvaŭsia da administracyjnaj adkaznaści za toje, što na svajoj staroncy «Ukantakcie» apublikavaŭ fota ściaha i emblemy nacyjanał-sacyjalistyčnaj partyi Hiermanii.
Bratu Illi, Viktaru Cichanienku, 23 hady. Chłopca nieadnarazova sudzili za bojki i raśpićcio ałkaholu ŭ hramadskich miescach.
35-hadovy Dźmitryj i 34-hadovaja Natalla Kubareckija — muž i žonka, jakija majuć 9-hadovuju dačku. Natalla zarehistravanaja jak indyvidualnaja pradprymalnica. Pa stanie na 2019 hod Dźmitryj pracavaŭ štukaturam u Bresckim ramontna-budaŭničym treście № 1.
Kamientary