Kreml nazvaŭ ustupleńnie Ukrainy ŭ Jeŭrasajuz jaje suvierennym pravam
Adnak u pytańniach biaśpieki, abarony i vajennych aljansaŭ Maskva zajmaje zusim inšuju pazicyju, padkreśliŭ Piaskoŭ.
Mahčymaje dałučeńnie Ukrainy da Jeŭrasajuza — heta jaje suvierennaje prava, bo havorka nie idzie pra vajenny aljans. Pra heta zajaviŭ pres-sakratar prezidenta Rasii Dźmitryj Piaskoŭ u razmovie z žurnalistami, piša RBK
«Heta suvierennaje prava luboj krainy. Havorka idzie pra intehracyjnyja, ekanamičnyja pracesy, i tut, viadoma, nichto nie moža ničoha dyktavać jakoj-niebudź krainie. My nie źbirajemsia hetaha rabić», — skazaŭ jon.
Adnak u pytańniach biaśpieki, abarony i vajennych aljansaŭ Maskva zajmaje zusim inšuju pazicyju, padkreśliŭ Piaskoŭ.
«Tam užo pytańnie inšaje, i jon usim dobra viadomy», — dadaŭ jon.
Rasija vystupaje suprać ustupleńnia Ukrainy ŭ NATO, ličačy pašyreńnie aljansu pahrozaj svajoj biaśpiecy.
Prezident RF Uładzimir Pucin nazyvaŭ płany pašyreńnia NATO za košt Ukrainy adnoj z pryčyn pačatku vajny. Pavodle jaho, dałučeńnie Ukrainy da NATO šmatkroć pavialičyła b ryzyku niečakanaha ŭdaru pa Rasii.
Admovu Kijeva ad namieru ŭstupić u aljans Pucin nazyvaŭ adnym z umoŭ dla pačatku mirnych pieramoŭ.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary