U rasijskaj vobłaści nazvali kolkaść tych, chto zahinuŭ na vajnie va Ukrainie. Jana našmat bolšaja, čym było viadoma pa padliku «Miedyjazony»
Miarkujučy pa ličbach z Astrachani, Rasija straciła ŭžo kala 150 tysiač vajskoŭcaŭ zabitymi.
4 lutaha hubiernatar Astrachanskaj vobłaści Ihar Babuškin pravioŭ naradu pa padrychtoŭcy i praviadzieńni mierapryjemstvaŭ u honar «Dnia abaroncy ajčyny».
Na hetaj naradzie mer Astrachani Ihar Redźkin paviedamiŭ, što miemaryjał «Zahinułym u łakalnych kanfliktach», jaki mieścicca pobač z hałoŭnym korpusam Astrachanskaha dziaržaŭnaha ŭniviersiteta i byŭ u studzieni pastaŭleny na rekanstrukcyju, budzie adkryty 23 lutaha, a na pomniku źjaviacca siem plit ź imionami 1112 astrachancaŭ, jakija zahinuli na vajnie z Ukrainaj.
Pry hetym vydańnie «Miedyjazona» sumiesna z «Bi-bi-si» raniej paviedamlała pra toje, što siarod dakładna paćvierdžanych zahinułych na vajnie va Ukrainie 93 641 rasijskich vajskoŭcaŭ 728 byli z Astrachanskaj vobłaści. Heta na 384 čałavieki mienš za danyja, nazvanyja ŭładami.
Źviestki z Astrachanskaj vobłaści dajuć padstavy mierkavać, što ahulnyja straty zabitymi pa ŭsioj Rasii dasiahnuli 150 tysiač čałaviek — ličba, jakaja prykładna supadaje ź niadaŭnimi acenkami brytanskaj i amierykanskaj raźviedak.
Ciapier čytajuć
Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa11
Kamientary
Dva dni tamu ŭsiudy lili krakadziłavyja ślozy pa "afhancach". Dyk u adnoj tolki rasii, atrymlivajecca, za try hady vajny z Ukrainaj užo zahinuła ŭ 10 razoŭ bolš, čym va ŭsim SSSR za 10 hadoŭ vajny ŭ tym Afhanistanie. Ale rasijcam pofih: "Muž pohib na SVO, ja połučiła kompiensaciju. Vyšła povtorno zamuž. Zapłatiat li mnie jeŝie odnu kompiensaciju, jeśli i vtoroj muž pohibniet na SVO?"