Cichanoŭskaja sustrełasia z Kiełaham u kułuarach kanfierencyi ŭ Miunchienie
Akramia taho, Śviatłana Cichanoŭskaja praviała sustrečy z kiraŭnikami kamitetaŭ pa zamiežnych spravach Pałaty pradstaŭnikoŭ i Sienata ZŠA — Brajanam Mastam (Pałata pradstaŭnikoŭ) i Džymam Ryšam (Sienat), jakija pradstaŭlajuć Respublikanskuju partyju.
Sustrečy adbylisia padčas Miunchienskaj kanfierencyi. Asnoŭnymi temami abmierkavańnia stali mirnyja pieramovy pa Ukrainie i rola Biełarusi ŭ hetym pracesie. Cichanoŭskaja padkreśliła, što pytańnie Biełarusi pavinna być častkaj pieramovaŭ, uklučajučy rasijskuju vajskovuju prysutnaść u krainie i pastupovy tranzit ułady, pieradaje pres-słužba palityka.
Taksama padčas sustreč abmiarkoŭvałasia padtrymka niezaležnych ŚMI i hramadzianskaj supolnaści.
Cichanoŭskaja prapanavała zrabić vyklučeńnie dla biełaruskich prahram i adnavić finansavuju dapamohu.
Akramia taho, byli ŭźniatyja pytańni palitviaźniaŭ i mahčymyja dalejšyja kroki dla ich vyzvaleńnia, a taksama pierśpiektyvy pryznačeńnia śpiecyjalnaha pasłańnika pa Biełarusi.
Cichanoŭskaja padziakavała za pastajannuju padtrymku i damoviłasia ab praviadzieńni słuchańniaŭ u Kanhresie, pryśviečanych situacyi ŭ Biełarusi i stratehii ZŠA adnosna krainy.
Taksama Cichanoŭskaja sustrełasia ź sienatarkaj Džyn Šachin (Demakratyčnaja partyja), kanhresmienam Džo Viłsanam (Respublikanskaja partyja) i kanhresmienam Brajanam Ficpatrykam (Respublikanskaja partyja), sienataram Rodžeram Vikieram, staršyniom kamitetu pa ŭzbrojenych siłach (Respublikanskaja partyja).
Taksama Cichanoŭskaja ŭ kułuarach sustrełasia z pradstaŭnikom administracyi Trampa hienierałam Kiełaham, jaki ŭ administracyi prezidenta Trampa byŭ pryznačany śpiecpasłańnikam ZŠA pa pytańniach Ukrainy i Rasii.
Cichanoŭskaja adznačyła paśpiachovaje vyzvaleńnie troch zakładnikaŭ z turmy, u tym liku dvuch palityčnych źniavolenych, i padziakavała administracyi Trampa za padtrymku i kaardynacyju ŭ hetym pytańni.
Padčas sustrečy abmiarkoŭvałasia mahčymaść pryznačeńnia śpiecpasłańnika pa Biełarusi, a taksama važnaść uklučeńnia biełaruskaha pytańnia ŭ pieramovy pa Ukrainie. «Ja patłumačyła hienierału, što dla ŭstojlivaha miru nieabchodnaja pradkazalnaja Biełaruś biez rasijskaj vajskovaj prysutnaści. My damovilisia praciahvać kamunikacyju,» — adznačyła Cichanoŭskaja.
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary