Prezident ZŠA zajaviŭ, što na hetym tydni płanuje pravieści razmovu z prezidentam Ukrainy Uładzimiram Zialenskim, a taksama toj pavinien sustrecca ź vice-prezidentam ZŠA Džej Dzi Vensam padčas Miunchienskaj kanfierencyi pa biaśpiecy.
Akramia taho, Tramp paviedamiŭ, što jaho śpiecyjalny pasłańnik pa pytańniach Ukrainy i Rasii, Kit Kiełah, nieŭzabavie naviedaje Kijeŭ. Dakładnaja data vizitu pakul nie ŭdakładniajecca, piša Radyjo Svaboda.
Raniej paviedamlałasia, što pajezdka Kiełaha moža adbycca 20 lutaha. Pres-sakratar Zialenskaha, Siarhiej Nikifaraŭ, taksama adznačyŭ, što ŭkrainski prezident sustreniecca ź vice-prezidentam ZŠA Džej Dzi Vensam u bližejšuju piatnicu na palach Miunchienskaj kanfierencyi pa biaśpiecy.
Donald Tramp nieadnarazova vykazvaŭsia za jak maha chutčejšaje zaviaršeńnie vajny Rasii suprać Ukrainy. U niadaŭnim intervju jon adznačyŭ, što Ukraina pavinna dać harantyi adnosna amierykanskich inviestycyj, pakolki «kraina ŭ niejki dzień moža stać Rasijaj». Jon taksama prapanavaŭ akazać dapamohu Kijevu ŭ abmien na dostup da ŭkrainskich pryrodnych resursaŭ, u pryvatnaści, redkaziamielnych mietałaŭ.
Tramp padkreśliŭ svajo žadańnie stać pasiarednikam u spynieńni vajny, adnak padrabiaznaściaŭ svajho płana pakul nie raskryŭ. Jon adznačyŭ, što jaho administracyja viadzie surjoznyja pieramovy z Rasijaj i Ukrainaj, i za apošni tydzień byŭ dasiahnuty «vialiki prahres».
Pavodle infarmacyi The New York Post, niadaŭna adbyŭsia telefonny zvanok pamiž Trampam i prezidentam Rasii Uładzimiram Pucinym. Pavodle słoŭ amierykanskaha lidara, Pucin zajaviŭ, što «choča, kab ludzi pierastali pamirać». U Kramli admovilisia paćvierdzić abo abvierhnuć infarmacyju ab hetym zvanku.
Ciapier čytajuć
U biełarusaŭ Polščy byli pryčyny nie hałasavać za Tšaskoŭskaha22
Kamientary
Płan Trampa dažie śmieleje, čiem ja ožidał!
A raz harantij ona dať nie smožiet, to i ja ničieho nie mohu.
Pro harantiii Ukrainie, pro "24 časa" v bolnicie vspominať nie priniato.