Žycharka Hrodna naradziła 14-je dzicia. Dziaŭčyncy dali niezvyčajnaje imia
Starejšaj dačce ŭ šmatdzietnaj siamji ŭžo 24 hady.
Žycharka Hrodna Alena Osina naradziła 14-je dzicia. Dziaŭčynka naradziłasia 5 lutaha. Joj dali niezvyčajnaje imia Avihieja, što aznačaje «radaść baćki».
«My ad pačatku chacieli vielmi vialikuju siamju. Dla nas heta było radaściu. Usie dzieci vielmi doŭhačakanyja, radasnyja. My vielmi ščaślivyja. Ja liču, što być mamaj — heta vielizarnaje ščaście, a być mamaj 14 dziaciej — heta ščaście, pamnožanaje na 14», — raskazała Alena.
Samamu starejšamu dziciaci ŭ siamji — Ninie — užo 24 hady, a samamu małodšamu da naradžeńnia Avihiei — chłopčyku Aviniru — 2 hady. U siamji 9 chłopčykaŭ i 5 dziaŭčynak. Troje starejšych dziaciej užo atrymali vyšejšuju adukacyju i pracujuć, dvoje — studenty, piać — školniki, usie astatnija — daškolniki, piša BiełTA.
Alena raskazała, što siamja vielmi lubić źbiracca razam, lapić chinkali, manty, viačerać sumiesna za vialikim stałom. Zbor za ahulnym stałom — abaviazkovaja tradycyja, členy siamji kamunikujuć, dzielacca navinami, pieražyvańniami, radaściami.
U Biełarusi jość jak minimum dźvie siamji, dzie vychoŭvajecca pa 15 dziaciej. Adna ź ich žyvie ŭ Ivacevickim rajonie: Siarhiej i Hanna Chaładovičy vychoŭvajuć šeść chłopčykaŭ i dzieviać dziaŭčynak. Taksama 15 dziaciej naradzilisia ŭ siamji Aleny i Siarhieja Alachnovičaŭ na Minščynie.
«Jašče ŭ škole damovilisia, što kali da 30 nie zaviadziem siemji, to paženimsia». Historyi biełaruskich par, jakija paznajomilisia padčas vučoby
«ZAHS byŭ suprać, ale my dakazali». Žychary Minska dali dziciaci imia, jakoje paličyli trajnym
U śviecie naradziłasia pieršaje dzicia, začataje dziakujučy novaj technałohii apładnieńnia
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary