Navuka i technałohii1717

U śviecie naradziłasia pieršaje dzicia, začataje dziakujučy novaj technałohii apładnieńnia

Novaja technałohija, jakuju śpiecyjalisty nazyvajuć revalucyjnaj, bolš efiektyŭnaja, biaśpiečnaja i dastupnaja za EKA.

Fertilo procedure
Pieršaje dzicia, jakoje naradziłasia dziakujučy technałohii Fertilo. Fota: gametogen.com

Jak piša New Atlas, u Pieru naradziłasia pieršaje dzicia, jakoje było začataje z dapamohaj inavacyjnaj technałohii Fertilo, zasnavanaj na vykarystańni stvałavych kletak. Raspracoŭščykam źjaŭlajecca bijatechnałahičnaja kampanija Gameto.

Jak viadoma, mietodyka EKA ŭklučaje stymulacyju jaječnikaŭ harmanalnymi injekcyjami dla atrymańnia niekalkich jajcakletak, jakija zatym vymajuć i apładniajuć u łabaratoryi. Paśla piaci dzion raźvićcia embryjon pieranosiać u matku ŭ spadziavańni na toje, što ciažarnaść nastupić. Poŭny cykł zajmaje kala dvuch-troch tydniaŭ i moža ŭklučać da 90 injekcyj za adzin kurs.

Mietodyka Fertilo adroźnivajecca ad tradycyjnaha EKA tym, što zamiest harmanalnaj stymulacyi jaječnikaŭ dla atrymańnia śpiełych jajcakletak vykarystoŭvajecca praces vyroščvańnia niaśpiełaj jajcakletki ŭ asiarodździ z asobym typam padtrymlivalnych kletak, jakija dapamahajuć joj daśpiavać, imitujučy naturalny praces u arhaniźmie.

Hetyja padtrymlivalnyja kletki jaječnikaŭ (OSCs) stvarajucca ź indukavanych plurypatentnych stvałavych kletak (iPSCs) i adyhryvajuć rolu asiarodździa, jakoje zabiaśpiečvaje jajcakletcy patrebnyja ŭmovy dla raźvićcia.

U 2023 hodzie byli praviedzieny adpaviednyja daśledavańni, jakija vyjavili, što hetaja technałohija značna palepšyła paśpiavańnie jajcakletki i farmiravańnie embryjona.

Sami ž aŭtary kažuć, što jana źnižaje nieabchodnaść u harmanalnych injekcyjach na 80%, pamianšaje ryzyki, źviazanyja z hipierstymulacyjaj jaječnikaŭ, palahčaje pabočnyja efiekty i skaračaje praciahłaść lačeńnia z 2-3 tydniaŭ da troch dzion.

Jak adznačajuć śpiecyjalisty, Fertilo adkryvaje novyja mahčymaści dla bolš šyrokaha koła pacyjentak, jakija nie mohuć pieranosić ci nie chočuć prachodzić ciažkuju praceduru tradycyjnaha EKA, robiačy praceduru mienš ciažkaj i bolš dastupnaj.

Mietodyka ŭžo atrymała adabreńnie ŭ Aŭstralii, Japonii, Arhiencinie, Parahvai, Mieksicy i Pieru. Gameto aktyŭna rychtujecca da kliničnych vyprabavańniaŭ u ZŠA, što adkryvaje novy raździeł u vykarystańni technałohii iPSC u repraduktyŭnaj miedycynie.

Fertilo abiacaje stać revalucyjnym rašeńniem dla mnohich žančyn, prapanoŭvajučy dastupny, biaśpiečny i efiektyŭny sposab pieraadoleńnia prablem ź fiertylnaściu.

Kamientary17

  • Doktar Šłanh
    21.12.2024
    Kali pryroda nie dazvalaje mieć dziaciej, to ŭsie fokusy z harmanalnymi preparatami - heta ad djabła. Sačycie za zdaroŭjem, žyvicie narmalnym sieksualnym žyćciom - i budzie vam ščaście.
  • Jula "iz probirki" Kapustina
    21.12.2024
    jen nie piervy, ja viedaju chto byj jašče pierviej
  • Andruś
    21.12.2024
    Sami ž u tekście pišacie "apładniajuć". Navošta tady ŭ zahałoŭku zamiest "apładnieńnia" hetaje rasijskaje "apładaTVARENNJe"?

Ciapier čytajuć

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym13

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym

Usie naviny →
Usie naviny

Iran prypyniŭ zdabyču hazu na najbujniejšym u śviecie radoviščy

Paśla raznosu Łukašenki «Biełaruśfilm» biarecca stvarać «liniejku svaich sieryjałaŭ»4

«Heta nie samy pryvabny varyjant». Što dumajuć biełarusy pra ŭviadzieńnie Hruzijaj trochhadovaha DNŽ dla ajcišnikaŭ3

Tramp nie źbirajecca padpisvać zajavu G7 pa pytańni izrailska-iranskaha kanfliktu

Čamu rasijanie addali ŭkraincam cieły zabitych, a tyja — nie?8

Kolkaść vakansij u Biełarusi ŭ 54 razy bolšaja, čym zarehistravanych biespracoŭnych1

Dla ahrasiadzib rychtujuć novyja abmiežavańni2

Biełarusaŭ papiaredzili pra vizavuju pastku pry naviedvańni Sierbii i Čarnahoryi2

Mierc kateharyčna suprać pasiarednictva Pucina na Blizkim Uschodzie2

bolš čytanych navin
bolš łajkanych navin

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym13

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym

Hałoŭnaje
Usie naviny →

Zaŭvaha:

 

 

 

 

Zakryć Paviedamić