«ZAHS byŭ suprać, ale my dakazali». Žychary Minska dali dziciaci imia, jakoje paličyli trajnym
Jaŭhien raskazaŭ Onliner.by, što naradziŭsia ŭ Mahilovie, paśla zakančeńnia škoły źjechaŭ na PMŽ u Izrail, dzie i paznajomiŭsia sa svajoj budučaj žonkaj Małkaj.
Dva hady tamu siamja vyrašyła pierajechać u Biełaruś. 11 kastryčnika 2024 hoda ŭ Jaŭhiena i Małki naradziłasia treciaje dzicia — dziaŭčynka, jakoj dali imia Mirjam Chaja-Muška.
— Spačatku ŭ ZAHSie navat nie chacieli rehistravać, spasyłajučysia na toje, što pavodle zakanadaŭstva imia moža być maksimum padvojnym, a tut jano trajnoje. Ale my dakazali, što Chaja-Muška — heta adno imia, jakoje pišacca praz złučok. Ja prynios daviedku z Centra daśledavańnia biełaruskaj kultury, movy i litaratury pra toje, što imia nie supiarečyć zakanadaŭstvu i sapraŭdy isnuje. Paśla hetaha imia zarehistravali.
Vybar niezvyčajnaha dla biełarusaŭ imia Jaŭhien patłumačyŭ tak:
— Pakolki my habrei, chaciełasia dać chasidskaje imia z našaj tradycyi. Chaja aznačaje «žyćciovaja», a Muška — heta zusim nie nasiakomaje, a vodar, jaki jość u chramie ŭ Jerusalimie. Mirjam — biblejskaje imia, siastra Maisieja. Jano aznačaje «horkaja vada z mora». Imia źjaviłasia ŭ toj momant, kali habrei znachodzilisia ŭ rabstvie ŭ Jehipcie.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Dziaciej užo abzyvajuć jak žadajuć.
Karystajucca tym, što novanarodžanyja jašče nie mohuć dać u adkaz pa zubach. Niachaj ułada daść.