U płanach biełaruskaj sietki tavaraŭ pa fiksavanych cenach «Try cany» — adkryćcio bolš za 200 kram u Rasii. Pra heta sa spasyłkaj na infarmacyju retejlera paviedamiŭ partał Shopper's, piša Office Life.
Pavodle danych internet-resursu, užo ciapier sietka «Try cany» šukaje śpiecyjalistaŭ pa raźvićci ŭ dzieviaci haradach Rasii.
Na hety momant u susiedniaj krainie pracujuć vosiem kram biełaruskaj sietki. Pieršy ź ich adkryŭsia va Uładzimiry 9 kastryčnika minułaha hoda.
«Sietka praciahnie pašyracca ŭ tym liku ŭ Maskvie, Sankt-Pieciarburhu, Maskoŭskaj i Leninhradskaj abłaściach», — prakamientavała pres-słužba sietki.
Retejler taksama paćvierdziŭ, što źbirajecca stać u Rasiei «numaram dva» ŭ siehmiencie kram nizkich cenaŭ» i skłaści kankurencyju Fix Price i «Hałamart».
Raniej u kampanii zajaŭlali, što adaptujuć kramy pad rasijski rynak — uklučać u asartymient bolš łakalnych tavaraŭ i śpiecprapanovy.
U Biełarusi ŭ sietki ŭžo 322 handlovyja punkty ŭ 150 nasielenych punktach — prynamsi, tak paznačana na sajcie kampanii. Nieŭzabavie «Try cany» taksama źbirajucca zapuścić dastaŭku tavaraŭ.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary